Саҥа дьыллааҕы сандалы

Бүгүҥҥү нүөмэрбитигэр саҥа дьыллааҕы сандалыны киэргэтэр минньигэс бүлүүдэлэр ырысыаптарын үөрэ-көтө бэчээттиибит.

Саҕынньахтаах куурусса

Туох наадата:

- куурусса куҥ этэ (филе) – 600 г;

- туус – 1 ч.нь.;

- хара биэрэс – 1 ч.нь.;

- паприка – 1 ч.нь.;

- күөх үүнээйи – 50 г;

- бүтэйдии буспут сымыыт – 3 уст.;

- сыыр – 50 г + үрдүгэр табыгынатарга эбии 100 г;

- чеснок – 2 өлүүскэ;

- майонез – 2 ост.нь.;

- мас арыыта – 1 ост.нь.

Астааһына:

Куурусса куҥ этин синньигэс гына уһаты бысталыыбыт, өтүйэнэн сынньан баран, туустуубут, биэрэстиибит, паприка кутабыт. 15 мүнүүтэ туруора түһэбит.

Онтон «саҕынньаҕын» бэлэмниибит:

Помидору кырбыыбыт, онно күөх үүнээйини, сымыыты, сыыры түөркэҕэ анньан кутабыт. Чесногу илдьиритэбит, туустуубут, майонезтыыбыт.

Тимир лииһи мас арыытынан сотобут, онно кууруссабыт этин, үрдүгэр «саҕынньаҕын» уурабыт. Сыырын туспа түөркэлиибит уонна үрдүгэр табыгынатабыт.

200 кыраадыс итийбит духуопкаҕа 20 мүнүүтэ буһарабыт.

Сёмгаттан стейк

Туох наадата:

- сёмга – 2 стейк;

- оливка арыыта – 2 ост.нь.;

- лимон аҥаара;

- мэлиллибит хара биэрэс;

- туус;

- орегано – 0, 5 ч.нь.

Астааһына:

Оливка арыытыгар 1,5 ч.нь. лимон согун эбэбит уонна туманы кытта булкуйабыт. Бу маринадка сёмгабытын 15 мүнүүтэ сытыара түһэбит.

Онтон стейктэрбитин тус-туспа фольгаларга уурталыыбыт, үрдүлэригэр синньигэс гына кырбаммыт лимон куһуоччуктарын эбэбит уонна суулуубут.

200 кыраадыс итии духуопкаҕа 25 мүн. буһарабыт.

Апельсинтан маффиннар

 Туох наадата:

- ынах арыыта – 150 г;

- сымыыт – 3 уст.;

- саахар – 150 г;

- бурдук – 220-250 г;

- апельсин – 1 уст.;

- ванильнай саахар – 10 г;

- разрыхлитель – 10 г.

Астааһына:

Ынах арыытын икки көрүҥ саахары кытта ытыйабыт, онно сымыыты булкуйабыт. Салгыы апельсин хаҕын түөркэҕэ анньан кутабыт, онно апельсин согун эбэбит уонна үчүгэйдик булкуйабыт. Ол үрдүгэр бурдуктаах разрыхлители кыра-кыралаан кутабыт.

Тиэстэбитин киэптэргэ кутан баран, маффиннарбытын 180 кыраадыс итии духуопкаҕа 20-25 мүн. буһарабыт.

Ананастаах сёмга

 Туох наадата:

- сёмга – 4 стейк;

- ананас – 4-8 тиэрбэс;

- чөчөгөй (сливки) – 500 мл;

- кытаанах сыыр – 200 г;

- тума, тимьян.

Астааһына:

Сёмга стейктэрин тумалаан баран, киэпкэ уурталыыбыт. Үрдүлэригэр ананас тиэрбэстэрин уурабыт, чөчөгөйү кутабыт уонна түөркэҕэ анньыллыбыт сыырынан бүрүйэбит. Аҕыйах лабаа тимьянынан киэргэтэбит уонна 190 кыраадыс итии духуопкаҕа 35 мүнүүтэ кэриҥэ буһарабыт.

«Уоттаах сылгы» салаат

 Туох наадата:

- кэриэйдии моркуоп – 150 г;

- ыыһаммыт куурусса – 200 г;

- минньигэс биэрэс (кыһыл уонна араҕас) – ½ уст.;

- кэнсиэрбэлэммит кукуруза – 100 г;

- сымыыт – 2 уст.;

- майонез эбэтэр йогурт + хартыыһа – 2 ост. нь.;

- петрушка, кунжут, кыратык чили – бэйэ сөбүлүүрүнэн.

Бэлэмнээһинэ:

Ыыһаммыт кууруссаны соломолуу быһабыт. Биэрэстэрбитин, сымыыты кубиктыы кырбаан кутабыт. Маны барытын кэриэйдии моркуобу уонна кукурузаны кытта холбуубут. Майонез эбэтэр йогурт кутан булкуйабыт. Кунжутунан уонна төгүрүктүү быһыллыбыт кыһыл биэрэһинэн киэргэтэбит.

«Филадельфия» суши-торт

Туох наадата:

- рис – 400 г;

- творожнай сыыр – 300 г;

- соевай соус – 4 ост.нь. эбэтэр 60 г;

- авокадо – 1 уст. (220 г);

- оҕурсу – 1 уст. (120 г);

- кыһыл балык – 300 г;

- укуруоп – бэйэ сөбүлүүрүнэн.

Астааһына:

Ууга буспут рис аҥаарын киэпкэ кутабыт, чиҥэтэн биэрэбит. Творожнай сыыры уонна соевай соуһу булкуйабыт уонна онон риспитин сыбыыбыт. Бу – бастакы араҥа.

Оҕурсуну бытархай кубиктыы быһабыт уонна рис үрдүгэр тэҥнээн кутабыт. 

Үһүс араҥа эмиэ рис буолар, чиҥэтэн баран творожнай сыырынан сыбыыбыт.

Төрдүс араҥа – бытархай гына кырбаммыт авокадо уонна творожнай сыыр (соевай соуһа суох).

Бэһис араҥа – кыһыл балык. Үрдүгэр укуруобу кырбаан табыгынатабыт.

Имбирнэй бирээнньиктэр

Туох наадата:

- бурдук – 500 г;

- саахар – 150 г;

- ынах арыыта – 150 г;

- убаҕас мүөт – 150 г;

- сымыыт –
1 уст.;

- мэлиллибит имбирь – 2 ч.нь.;

- мэлиллибит корица –
1 ч.нь.;

- мэлиллибит гвоздика – 0,5 ч.нь.;

- мускат эриэхэтэ – 0,5 ч.нь.;

- разрыхлитель – 2 ч.нь.;

- туус – 1 кымаах.

Глазурь оҥорорго:

- саахар пуударата – 200 г

- сымыыт үрүҥэ – 1 уст.

- лимон сога – 1 ч.нь.

- аска кутуллар краситель – бэйэ сөбүлүүрүнэн

Астааһына:

Көстүрүүлэҕэ мас арыытын кутан, бытаан уокка уулларабыт, мүөт, саахар эбэбит, сойутабыт. Салгыы мүөттээх булкааспытыгар сымыыт кутабыт уонна үчүгэйдик булкуйабыт.

Бурдугу туспа иһиккэ туох баар туманы, суоданы уонна тууһу кытта сиидэлиибит.

Убаҕас уонна кураанах булкаастарбытын холбоон, тиэстэбитин мэһийэбит, сымнаҕас, киһи илиитигэр сыстыбат буолуохтаах. Тиэстэни пленкаҕа суулаан, кыччаабыта 2 чаас холодильникка туруорабыт.

Салгыы 5-7 мм халыҥнаах тиэстэни тэнитэбит уонна анал киэп көмөтүнэн араас быһыылаах бирээнньиктэри оҥоробут.

Тимир лиискэ тэлгэммит пергамент кумааҕыга уурталаан, 180 кыраадыс итии духуопкаҕа 15 мүн. кэриҥэ саһарыар диэри буһарабыт. Сойутабыт.

Сымыыт үрүҥүн саахар пуударатын, лимон согун кытта ытыйан, глазурь оҥоробут. Бирээнньиктэрбитин араас оһуорунан киэргэтэбит.