Саҥа дьыллааҕы көр-күлүү
– Ийээ, Саҥа дьылга аҕам саҥа саҕынньах бэлэхтиэ дуу?
– Оо, дьэ, суох буолуо ээ. Сыаната наһаа ыарахан дии.
– Оттон эн мин курдук муостаҕа охтон түс, атаххынан тэбиэлэн уонна күүскэ да күүскэ ытаан марылаатаххына?
***
– Алло, Саҥа дьылга кэлээриҥ дии.
– Оо, кыаллыбат ээ, барбаппыт буолуо.
– Махтал. Олох сөпкө дьаһаммыккыт.
***
«Күндү Тымныы Оҕонньор! Бу үһүс сурукпун суруйабын, тоҕо диэтэххэ, бу иннинээҕи икки сурукпун ийэм булан ылан хайа тардан кэбиспитэ. “Үлэтэ көрдөө», – диир. Эрэли кытта, Петенька. 40 саастаах».
***
– Оҕолоор, Саҥа дьыл кимэ суох сатамматый, чэ, эрэ, ыҥырыахха!
– Дабаай!
– Полиция! Полиция!
***
– Папа, ити кэмпиэттэри тоҕо наһаа үөһэ, харыйа саамай үрдүгэр ыйыыгыный?
– Тоҕо диэ, Саҥа дьыл иннинэ барытын сиэн кэбиспэтин диэн.
– Оччоҕо, хайыыбыный, Саҥа дьылга диэри дождигынан эрэ аһылыктанабын дуо?
***
– Алло, хайа Саҥа дьылы көрүстүҥ дуо?
– Суох.
– Тоҕо?
– Ээ, хаһан көрсө барыахпар диэри, хата, бэйэтинэн тиийэн кэлбитэ.
***
Эр киһиэхэ Саҥа дьыл күн төлөпүөннүүллэр. Эппиэттээн иһэр:
– Истэбин. Махтал, эйигин эмиэ! Махтал, эйиэхэ эмиэ! Суох, бу Артур буолбатах… Махтал, эн эмиэ ол диэки бара тур!
***
– Саҥа дьылынан бэлэҕим бу.
– Ураа, гитара! Аҕаа, махтал. Оттон тоҕо струналара суоҕуй?
– Бээ, ыксаама, хайдах барыта тута буолуой. Бастаан оонньуу үөрэннэххинэ, струналарын атыылаһыахпыт.
***
Тохсунньу 1 күнүгэр төлөпүөнүнэн ыйытык оҥорбуттар, ол түмүгэ маннык буолбут: эппиэттээччи 2% бырыһыана «Да» диэбит, 3% – «Алло», атын 95% эппиэттиири ыарырҕаппыттар.
***
Тохсунньу 1 күнэ, сарсыарда. Харыйа анныгар саппыыска сытар: «Саҥа дьылынан! Ороһуол халадыынньыкка, халадыынньык куукунаҕа».
***
Рестораҥҥа Саҥа дьыл бырааһынньыгын олус бэһиэлэйдик ылан баран.
– Мадам, эн миигин дьиэбэр диэри илдьэн биэриэххин сөп дуо?
– Сөп бөҕө буоллаҕа...
– Мин ханна олорорбун хантан билэҕин. Эн биһиги бэйэ-бэйэбитин билсэбит да?
– Оо, хара сордоох, өйгүн олох сүтэрдиҥ да? Ойоҕуҥ буолабын дии!
***
– Кыысчаан, ити бэлэҕи көрдөр эрэ... Ээ, пахай, кыраһыабайа суох эбит... Аны итини көрдөр... Ээ, бу наһаа ыарахан эбит... Таак, аны ол сытары... Суох, хайдах эрэ сыаната аһара чэпчэки курдук... Кыысчаан, арай эн мин кэргэним буол, Саҥа дьылга тугу ылыаххын баҕарыаҥ этэй?
– Атын эри!
***
Саҥа дьылы көрсүһүү кэмэ. Биир дьахтар атыныгар этэр:
– Мин санаабар, эн биһи 15 сыл анараа өттүгэр биир хампаанньаҕа Саҥа дьылы көрсүбүт курдукпут.
– Кырдьык да? Тоҕо эрэ өйдөөбөппүн.
– Мин эмиэ дьон сирэйин улаханнык өйдөөбөппүн эрээри, былаачыйаны баҕас өйдөөн хаалабын.
***
– Аҕаа, ханнык поезд барыларыттан саамай хойут кэлэрий?
– Ханнык поезд, тоойуом?
– Этэбин, эн миэхэ былырыын Саҥа дьылга бэлэхтиэх буолбут поеһыҥ.
***
Икки доҕордуулар көрсүһэллэр.
– Хайа, Саҥа дьылы хайдах көрүстүҥ? Оһуобай бэһиэлэйдик ааста да?
– Билбэппин ээ, хаартыскалары өссө бэчээттии иликпит…
***
ГАИ үлэһитэ олус түргэнник айаннаан иһэр массыынаны тохтотор.
– Бу айылаах ханна ыксаан иһэҕиний? – суоппартан ыйытар.
– Дьиэбэр. Доҕотторбун кытта Саҥа дьылы көрсүбүппүт, хойутаан хааллым, кэргэним долгуйдаҕа буолуо.
– Оо, оттон билигин ыам ыйа буолла дии.
– Оттон ол иһин ыксыыр буоллаҕым дии.
***
Саҥа дьыл иннинэ сиэнэ эбээтигэр айаннаан кэлэн сылайан утуйан хаалбытын хоско киллэрэн сытыараллар. Уһуктан ытаабытыгар эбэтэ этэр:
– Ытаан бүттэххинэ, чээ оҕо буоллаххына, Тымныы Оҕонньор эйиэхэ кырааннаах улахан массыына бэлэхтиэ.
– Ураа, аата үчүгэйин! Оччоҕо миэхэ оннук икки массыына баар буолар!
– Тоҕо икки?
– Оттон биирин эн оронуҥ анныттан буллум ээ.
***
Оҕо саадыгар кэпсэтэллэр:
– Мин аҕам Тымныы Оҕонньортон наһаа куттанар.
– Тоҕо итинник санаатыҥ?
– Тоҕо диэтэххэ, Тымныы Оҕонньор кэллэҕинэ, аҕабын хантан да булан ылбаппын, саһан хаалар быһыылаах.
***
Куобах фен тутан турар уонна хаар киһиэхэ бардьыгыныыр:
– Моркуоп эбэтэр олоҕуҥ, иккиттэн биирин тал!
***
Почтаҕа сурук кэлбит.
Ааҕаллар: Тымныы Оҕонньорго! Арыйбыттар, онно суруллубут:
– Тымныы Оҕонньор! Эйиэхэ Саша суруйар. Мин хоту дойдуга олоробун. Биһиэхэ кыһыммыт олус тымныы, Саҥа дьыл чугаһаата, ол эрээри мин таһырдьа тахсар кыаҕым суох. Тоҕо диэтэххэ ичигэс сонум, үтүлүктэрим, бэргэһэм уонна хаатыҥкам суохтар.
Почта үлэһиттэрэ суругу ааҕан баран оҕону аһыммыттар, харахтара ууламмыт, ким төһө кыайарынан харчы хомуйан барытын атыыласпыттар, ол эрэн үтүлүккэ харчылара тиийбэтэх. Онон үтүлүгэ суох ыытарга быһаарбыттар.
Сотору соҕус буолан баран ол оҕоттон эмиэ сурук кэлэр:
– Оҕонньор, бэлэҕиҥ иһин махтал! Ол эрээри үтүлүктэриҥ кэлбэтилэр, арааһа почталар хостоон ылбыттар быһыылаах...
Сонуннар
Ордук ааҕаллар
