Саҥа дьыллааҕы аккырыыккалары оҥорууга күрэс биллэрилиннэ

Бүтүн Арассыыйатааҕы айар күрэс бэс ыйын 19 күнүгэр саҕаламмыта. Тэрийээччилэр — «Марка» АО (Арассыыйа почтатын хампаанньата), Москватааҕы Худуоһунньуктар сойуустара уонна Филателистар сойуустара — РФ гражданнарын, 18-тан үөһэ саастаах дьону кыттарга ыҥырар. Сааһынан хааччахтааһын — сүрүн усулуобуйа: идэтийбит худуоһунньук эбэтэр дизайнер, айар үөрэх устудьуона эбэтэр көннөрү талааннаах киһи бары кыттыахтарын сөп.

Күрэскэ кыттааччылар Саҥа дьылга анаммыт чаҕылхай, өйдөнөн хаалар почта мааркатын эбэтэр ааптар аккырыыккаларын эскииһин айыахтаахтар. Сүрүн ирдэбил: оҥоһууу өйүнэн уонна ханнык баҕарар алгоритмическай сыһыарыынан оҥоһуллубут үлэлэр көрүүгэ ылыллыбаттар. Тэрийэр кэмитиэт ааптар бэйэтэ толорбут үлэтин эрэ ылынар — ханнык баҕарар тиэхиньикэнэн: акварель, гуашь, харандаас, пастель, коллаж, көмпүүтэр графикатынан. Кыттыы босхо.

Сайаапкалары 2026 сыл атырдьах ыйын 19 күнүгэр диэри Москва бириэмэтинэн 23:59 ч. диэри туталлар. Түмүгү балаҕан ыйын 4 күнүгэр таһаарыахтара. Дьүүллүүр сүбэ быһаарыытынан бастыҥ эскиистэр почта мааркатыгар уонна маркировката суох аккырыыкка сериятыгар элбэх ахсаанынан тахсыахтара, олор Арассыыйа почтатын бары салаалырыгар атыыланыахтара.

Толору усулуобуйалар, үлэлэри оҥорууга ирдэбиллэр уонна сыаналааһын критерийдэрэ https: //rusmarka.ru/news/n/146332.aspx?ysclid=mqotgdp2ag685676388 сигэнэн баар балаһыанньаҕа суруллаллар.