Сүүйүүлээх оонньуулары куораттан таһаарыахтарын баҕараллар

Түөкүттэр дьахтары футболга уксарга ыҥыран, харчытын суйдаан ылбыттар этэ. Биллэн турар, түөкүттэр 100% буруйдаахтар. Ол эрээри, буолаары буолан дьахтар киһи, буолаары буолан футболга уксубута – күн аайы тахсар быһылаан буолбатах. Дьиҥэр, ким баҕар, эр киһититтэн, дьахтарыттан тутулуга суох ханна, туту оонньуура бэйэтин көҥүлэ эрээри, биир өттүнэн, бу түгэн сүүйүүлээх оонньуулар күннээҕи олохпутугар баалларын чаҕылхай туоһута.

2ГИС каартаҕа көрдөххө, Дьокуускайга алта букмекерскай хонтуора ыйылла сылдьар. Каартаҕа киирбэтэх, регистрацията суох, уоран үлэлиир төһө-хачча баарын дьиҥнээх хартыынатын этэр уустук.

Эмиэ ааспыт нэдиэлэҕэ Куорат дууматын тутууга уонна архитектураҕа сис кэмитиэтэ букмекерскай хонтуоралары бэрээдэктээһин боппуруоһун көрбүтэ. Дьокутааттар маннык хонтуоралары дьон олорор кыбартаалларыттан ыраах олохтуурга этии киллэрбиттэрэ. Маныаха Сири туһаныы уонна тутуу быраабылаларыгар уларытыылары киллэрэр ирдэнэрэ этиллибитэ.