Сөтөлү таһаарарга норуот сүбэлэрэ

Банаан буспут уута

Туох наадата: икки банаан, 50 г саахар, биир ыстакаан уу.

Бэлэмнээһинэ бэрт судургу. Оргуйа турар ууга саахарын кутабыт, онтон тэбэ түспүтүн кэннэ билиитэттэн таһаарабыт. Банааны кыра теркаҕа анньабыт. Итиэннэ саахардаах сиропка кутан баран, үчүгэйдик булкуйабыт. Чэйи кытта иһиллэр.

Эриэппэ луук туһата

Туох наадата: 50 г сибиэһэй убаҕас мүөт, 500 г эриэппэ луук, 500 г саахар.

Бастаан луугу ыраастыыбыт, блендеринэн илдьиритэбит. Көстүрүүлэҕэ уу кутан, саахарбытын уонна луукпутун эбэбит уонна бытаан уокка үс чаас кэриҥэ оргутабыт. Сойутан баран мүөппүтүн эбэбит уонна хаппахтаах иһиккэ (бытыылкаҕа эбэтэр бааҥкаҕа) кутан уурабыт. Аһаан баран күҥҥэ 5-6 остолуобай ньуосканы иһиллэр.

Оҕолорго

Туох наадата: биир орто дьаабылыка, биир лиитирэ ыраас уу, биир орто хортуоппуй, биир устуука эриэппэ луук.

Көстүрүүлэҕэ уу кутан, дьаабылыканы, хортуоппуйу, луугу барытын холбуубут уонна уутун аҥаара уолуор диэри бытаан уокка оргутабыт. Оҕо аһыан иннинэ күҥҥэ үстэ биирдии чаайынай ньуосканы иһэрдиллэр.

Чэгиэн-чэбдик буолуҥ!