Сөтүөлүүр сир бэс ыйыттан арылларга бэлэм. Тоҕо?
Бу туһунан «Тэхиньиичэскэй хааччыйыы киинэ» МУП дириэктэрэ Виктор Обутов иһитиннэрэр:
– Бэс ыйын 9 күнүттэн номнуо арыйары былаанныыбыт. Эрдэ иһитиннэрбиппит курдук, быйыл баһылык сорудаҕынан куорат сөтүөлүүр сирин 203-с түөлбэ диэки, быһа холоон 420 миэтэрэ курдук, кэҥэтэр былаан баар. Манна эмиэ кумах, сөтүөлүүр сир тэриллиэхтэрэ».
Пляж бэс ыйыттан үлэлиир биир биричиинэтинэн территория нэһилиэнньэ маассабай сынньанар сиринэн быһаарыллыбыта буолар. Ол курдук, Дьокуускай куорат Олохтоох дьаһалтатын Гражданскай оборонаҕа, нэһилиэнньэ уонна сир-уот харыстабылыгар управлениетын 2017 сыл кулун тутар 13 күнүнээҕи дьаһалыгар былырыын киирбит уларыйыынан нэһилиэнньэ маассабай сынньанар, ол иһигэр шашлыктыыр сиринэн анаммыта буолар.
Эбэн эттэххэ, 2032 сылга, Дьокуускай куорат 400 сылын көрсө, пляж букатын саҥа көрүҥнэниэхтээх. Дизайн-бырайыак үлэтэ саҕаламмыт.
Сонуннар
Ордук ааҕаллар
