Сөтүөлүүр сир 203-с түөлбэҕэ диэри кэҥиэҕэ

Кытыл уонна сөтүөлүүр зоналар 203-с түөлбэҕэ быйыл сайын баар буолуохтара, – диэн кэпсээтэ “Тэхиньиичэскэй хааччыйыы сулууспатын” дириэктэрэ Виктор Обутов “Эхо столицы” ханаалга.

“Куорат баһылыгын сорудаҕынан быйыл пляж сирин-уотун 203-с түөлбэ диэки кэҥэтии былааннанар – үлэлии турар пляжтан быһа холоон 420 миэтэрэ. Кытыы уонна сөтүөлүүр зоналар тэриллиэхтэрэ, ол туһугар түгэҕин чинчийиэхпит уонна иҥнэри түһүүнү оҥоруохпут. Билигин наадалаах көҥүлү ылыыга үлэлэһэбит”, – диэн иһитиннэрдэ Обутов.

Оттон 2032 сылга – Дьокуускай төрүттэммитэ 400 сылыгар – саҥа пляж сирэ эмиэ кэрэ көстүүнү ылыаҕа: сотору кэҥэтиллибит зонаны тупсарыы дизайн-бырайыагын оҥоруу саҕаланыаҕа.