Сүрэх, тымыр ыарыытын сэрэтэр 8 быраабыла

Оттон атырдьах ыйын 11 күнэ – Норуоттар икки ардыларынааҕы чэгиэн сүрэх күнэ.

Сүрэх-тымыр ыарыытыттан аан дойду үрдүнэн киһи өлүүтэ үгүстүк тахсар.

Бу нэдиэлэ сүрүн сыала – чөл олоҕу тутуһуу уонна кэмигэр көрдөрүнүү сүрэх, тымыр ыарыытын сэрэтэр кыахтааҕын туһунан информацияны киэҥник тарҕатыы.

Сүрэх, тымыр ыарыытыгар кутталлаахтар:

• Хаан баттааһынын үрдээһинэ (103/80 үрдүк дабылыанньа).
• Хааҥҥа саахар уонна холестерин үрдээһинэ.
• Табахтааһын, арыгылааһын.
• Сыыһа аһааһын (элбэх тууһу, сыалаах аһы сиэһин).
• Хамсаммат буолуу (нэдиэлэҕэ 150 мүнүүттэн саҕалаан ноҕорууска баар буолуохтаах).
• Аһара уойуу, саахардаах диабет, олохсуйбут күүрүү.

Сэрэтии сүрүн оҥкуллара:

1. Күн аайы хамсаныы – күҥҥэ кыччаабыта 30 мүн (хаамыы, сүүрүү, сөтүө).
2. Сөпкө аһааһын – тууһу кыччатыы, сыалаах, саахардаах аһы аччатыы, оҕуруот аһын, балыгы о.д.а. туһалаах аһы элбэтии.
3. Табахтан, арыгыттан аккаастаныы.
4. Хаан баттааһынын, холестерины, глюкозаны хонтуруоллааһын.
5. Күүрүүнү кыайыҥ – сатаан сынньанарга, налыйарга, бытаарарга үөрэниҥ, уугутун хана утуйуҥ.
6. Кэмиттэн кэмигэр медицинскэй чинчийиилэри ааһыҥ: хаан баттааһынын, холестерины, саахары хонтуруоллааҥ, чуолаан 40 сааскытын ааспыт буоллаххытына доруобуйаҕытыгар болҕомтоҕут күүһүрүөхтээх.
7. Эми-тому быраас анаабытын эрэ иһиҥ.
8. Ыйааһыҥҥытын көрүнэ сылдьыҥ.

Бу 8 бэрт судургу быраабыланы тутуһан сырыттаххытына, сүрэх уонна тымыр ыарыыларын сэрэтэҕит. Сүрэх туругун көрүнэ, кэтэнэ сылдьыы хаһан эмэ биирдэ оҥоһуллар дьыала буолбатах, күннэтэ хатыланар үөрүйэх буолуохтаах.

Сүрэххитин харыстааҥ!