Сүрүн ас сыаната таһыччы үрдээбэтин туһугар

Онно толоруулаах быраас федеральнай уорганнара кэккэ көрүҥ бородуукта туһунан РФ 5 –с ыстатыйатын 1-кы чааһын 3 (10) пуунугар ыйыллыбыт сибидиэнньэлэри көрдөөн ылар, чопчулаһар бырааптаналларын туһунан этиллэр.

Судургутук өйдөөтөххө, кэлэр 2027 сыл тохсунньу 1 күнүттэн саҕалаан, бу мантан аллара бэриллэр кэрискэҕэ киирбит бородуукта сыаната үүнэ-тэһиинэ суох үрдүүрүн таһаарбат туһугар  былаас уорганнара кэтээн көрөр, маныыр буолаллар. Кэрискэҕэ уопсайа 24 көрүҥ ас онно киирэ сылдьар. Чопчута: ынах, сибиинньэ, бараан куурусса эттэрэ, балык, ынах уонна мас арыыта, үүт, сыыр, сымыыт, саахар, туус, бурдук, килиэп, ириис, гречка куруппата мокоруон оҥоһуктар, хортуоппуй, сүбүөкүлэ, эриэппэ луук,  моркуоп, помидор, оҕурсу уонна хаппыыста. Көрбүккүт курдук, бары да күннэтэ кэриэтэ сиир астарбытын киллэрбиттэр. Онон итилэргэ сыана олустаабат ини диэн эрэнэр буоллахпыт.