Үһүс оҕоҕо мөлүйүөн: Саха сириттэн дьокутаат этиитэ Госдуумаҕа тиийдэ

Норуот дьокутаата Алена Атласова Госдуумаҕа парламент истиилэригэр кытынна, манна элбэх оҕолоох ыаллары өйүүр туһунан ырыттылар. Тэрээһин кулун тутар 23 күнүгэр видеоконференция көмөтүнэн ыытылынна.

Дьүүллэһиигэ элбэх оҕолоох ыаллары өйүүр миэрэлэр үксүгэр наадыйар дьоҥҥо хааччах үөскэтэллэрин, онтон сылтаан үгүстэр көмөнү ылалларыгар мэһэйдэри көрсөллөрүн туһунан улахан суолталаах боппуруоһу көтөхтүлэр. Алена Атласова үһүс оҕо төрөөтөҕүнэ биир мөлүйүөн солкуобайы төлүүр туһунан боппуруоһу Ил Түмэнҥэ туруорсалларын эттэ. Бу төлөбүрдэри дьиэ кэргэн дохуотуттан тутулуга суох барыларыгар биэриэххэ наадатын эттилэр.

Саха сирин парламена киллэрбит этиитэ болҕомтото суох хаалбата. Истиилэр түмүктэринэн, көҕүлээһин Госдуума официальнай рекомендациятыгар киирдэ. Маны таһынан кэпсэтии кэмигэр, төлөбүр кээмэйин дьиэ кэргэҥҥэ оҕо ахсааныгар киллэрэн, ийэ хапытаалыгар сыһыаны уларытар туһунан этии эмиэ киирдэ. Бу уларыйыылар билигин федеральнай сокуону оҥорууга учуоттаныахтара.