СӨ Наука Аччыгый академията “Чолбон” МКА-ны туһаныа

“Восточнай” космодромҥа ахсынньы 28 күнүгэр бэлиэ түгэн буолан ааспыта. “Союз-2.1б” ракета-носитель Саха сирин аан бастакы “Чолбон” диэн дьоҕус  космическай аппараатын илдьэ куйаарга көппүтэ. 

Оттон бүгүн, тохсунньу 28 күнүгэр,  “Чолбон” МКА аргыһы сакаасчыкка – СӨ наукатын Аччыгый академиятыгар – официальнайдык тиксэрии үөрүүлээх тэрээһинэ буолла. Бу – спутнигы куйаарга көтүтүү түһүмэҕиттэн дьиҥ олоххо туһаныыга – үөрэтии уонна научнай-чинчийэр түһүмэххэ көһүүтүн кэрэһилиир. 

Тэрээһиҥҥэ СӨ Үөрэх министиэристибэтин, СӨ Үүнэр көлүөнэ тус сыаллаах пуондатын, космос тиһиктэрин оҥоруунан дьарыктанар эпэрээтэр “Спутник” ХЭУо, К.Э. Циолковскай аатынан Арассыыйа космонавтикатын академиятын Илин эрэгийиэннээҕи отделениетын, Ю.Г. Шафер аатынан космофизика чинчийиилэрин институтун бэрэстэбиитэллэрэ кытыннылар. 

Nikbara.ru хаартыската