Сөҕө-махтайа көрдүбүт

Дьокуускайга ыытыллыбыт Табаһыттар IV өрөспүүбүлүкэтээҕи сийиэстэрин чэрчитинэн кулун тутар 20 күнүгэр Сайсары эбэ туонатыгар табаһыттар оонньуулара үрдүк таһымҥа ыытылынна. Бу күн сааскы кубулҕаттаах халлаан бэркэ туран биэрэн, чэмэлкэй күн анныгар хоту сир оҕолоро мустан оонньоон-көрүлээн бардылар. Кинилэр олохторун-дьаһахтарын, уран уус оҥоһуктарын көрдөрөр быыстапкаларын, тэтимнээх үҥкүү, эйээркэй ырыа аргыстаах эҕэрдэ кэнсиэрдэрин, илин-кэлин түсүһэр сырсыылаах оонньууларын тэрээһиҥҥэ кэлбит эрэ бары сөҕө-махтайа, астына көрдүбүт. Ол курдук, сыарҕалаах табанан куоталаһыы, маамыктаны быраҕыы, хайыһарынан табаҕа состоруу, холбоһуктаах эстэпиэтэ курдук кыаҕы холоһуу көхтөөх оонньуулара көрөөччү болҕомтотун тарта.

Бу тэрээһини СӨ Тыатын хаһаайыстыбатын уонна ас-үөл бэлиитикэтин министиэристибэтэ тэрийэн ыытта.

Оонньуулар түгэннэриттэн хаартыскалары таһаарабыт.

›

1 / 18