Сөмөлүөккэ босхо төһө таһаҕаһы илдьиэххэ сөбүй?

Сайын салҕанар. Атырдьах ыйа – уоппуска, соҕуруу муораҕа сынньана барыы үгэнэ. Маныаха биири билэр олус туһалаах: Сөмөлүөккэ төһө ыйааһыннаах уонна кээмэйдээх таһаҕаһы пассажир босхо илдьэ киирэрэ көҥүллэнэрий?

Бастатан туран, чымыдаан дуу, суумка дуу багаж кээмэйдиир тэрилгэ (калибратор) холкутук батыахтаах. Иккиһинэн, ыйааһына эмиэ ирдэбилгэ хапсыахтаах. Оттон бу ирдэбил бары авиахампаанньаларга араастаһар.

Эһиэхэ анаан Саха сиригэр көтөр түөрт  авиахампаанньа ирдэбиллэрин таһаарабыт.

«Аэрофлот» хампаанньа:

Ыйааһына: 10 кг. Кээмэйэ: 55 см (устата), 40 см (кэтитэ), 25 см (үрдүгэ).
Эбии босхо ылыахха сөп: 5 кг ыарахана суох ыйааһыннаах уонна бары кээмэйдэрин холбообут 80 см элбэҕэ суох рюкзак, дьахтар суумката эбэтэр бартыбыал.

«S7 (Сибирь)» хампаанньа:

Ыйааһына: 10 кг. Кээмэйэ: 55 см (устата), 40 см (кэтитэ), 23 см (үрдүгэ).
Эбии босхо ылыахха сөп: 5 кг ыарахана суох ыйааһыннаах уонна бары кээмэйдэрин холбообут 75 см элбэҕэ суох рюкзак, дьахтар суумката эбэтэр бартыбыал.

«Якутия» хампаанньа:

Ыйааһына: 10 кг. Кээмэйэ: 55 см (устата), 40 см (кэтитэ), 20 см (үрдүгэ).
Эбии босхо ылыахха сөп: 5 кг ыарахана суох ыйааһыннаах уонна бары кээмэйдэрин холбообут 80 см элбэҕэ суох рюкзак, дьахтар суумката эбэтэр бартыбыал.

Улуустарга көтөр пассажирдарга 3 ячейка (90 устуука) куурусса сымыытын илдьэ барар көҥүллэнэр.

«Полярные авиалинии» хампаанньа:

Ыйааһына: 5 кг. Кээмэйэ: 40 см (устата), 30 см (кэтитэ), 20 см (үрдүгэ).
Эбии босхо ылыахха сөп: 5 кг ыарахана суох ыйааһыннаах уонна бары кээмэйдэрин холбообут 80 см элбэҕэ суох рюкзак, дьахтар суумката эбэтэр бартыбыал.

2 ячейка (60 устуука) куурусса сымыытын ылыахха сөп.

Дьокуускай аэропордун МАХ ханаалын матырыйаалыгар сигэнэн бэлэмнээтибит.