СӨ үлэ кэлэктииптэрин спартакиадата түмүктэннэ

Бэҕэһээ, бэс ыйын 7 күнүгэр, Дьокуускай норуоттар Доҕордоһууларын болуоссатыгар СӨ үлэ кэлэктииптэрин V Спартакиадатын түмүктүүр, кыайыылаахтары бэлиэтиир дьоһуннаах тэрээһин буолан ааста. Быйылгы Спартакиада Саха сиригэр Идэлээх сойуустар хамсааһыннара төрүттэммитэ 105 сылыгар уонна Илья Егорович Винокуров төрөөбүтэ 130 сылыгар ананна.  

Түөрт күннээх кимиэллээх киирсиигэ Саха сирин үлэ тэрилтэлэрин 18 хамаандата, ол эбэтэр, 1200-тэн тахса кыттааччы күөн көрүстэ.

Спартакиаданы сабыы үүрүүлээх тэрээһинигэр спорт миниистирэ Леонид Спиридонов, СӨ Идэлээх сойуустарын федерациятын бэрэссэдээтэлэ Николай Дегтярев, ФНПР Уһук Илиҥҥи федеральнай уокурукка бэрэстэбиитэлэ Максим Саенко, «Сахаада-спорт» Ассоциациятын бэрэсидьиэнэ Александр Ким-Кимэн кытыннылар.

Кылаабынай судьуйа Юрий Иванов хамаандалар түмүктэрин иһитиннэрдэ. 

📝Түмүк маннык буолбут:

✅Волейбол (дьахталлар):

🥇 1 миэстэ – РФ Норуот үөрэҕириитин, наукатын үлэһиттэрин идэлээх сойууһун Саха сиринээҕи тэрилтэтэ (ЯРО).

🥈 2 миэстэ – Судаарыстыбаннай тэрилтэлэр үлэһиттэрин идэлээх сойууһун Саха сиринээҕи тэрилтэтэ.

🥉 3 миэстэ – РФ физическэй култуура, спорт уонна туризм үлэһиттэрин идэлээх сойууһун тэрилтэтэ. 

💐Кыайыылаах хамаандаҕа ФНПР анал бирииһэ — 100 тыһ. солк.— туттардылар. 

 ✅Волейбол (Эр дьон):

🥇 1 миэстэ – «Профалмаз» эрэгийиэн икки ардыларынааҕы идэлээх сойуус.

🥈 2 миэстэ – РФ норуотун үөрэҕириитин, наукатын үлэһиттэрин идэлээх сойууһун Саха сиринээҕи тэрилтэтэ.

🥉 3 миэстэ – РФ Ойуур бырамыысыланнаһын үлэһиттэрин идэлээх сойууһун Саха сиринээҕи тэрилтэтэ.

💐 Кыайыылаахха СӨ Идэлээх сойуустарын федерациятын сертификатын (100 тыһ. солк.) туттардылар.

✅Баскетбол (Дьахталлар):

🥇 1 миэстэ – РФ норуотун үөрэҕириитин, наукатын үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – «Саха сирин тимир суоллара» холбоһуктаах ППО.

🥉 3 миэстэ – РФ физическэй култуура, спорт уонна туризм үлэһиттэрин идэлээх сойууһун Саха сиринээҕи тэрилтэтэ.

✅ Баскетбол (Эр дьон):

🥇 1 миэстэ – РФ норуотун үөрэҕириитин,наукатын үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – РФ доруобуйа харыстабылын үлэһиттэрин идэлээх сойууһун Саха сиринээҕи тэрилтэтэ.

🥉 3 миэстэ – РФ «Нефтегазстройпрофсоюз» Саха сиринээҕи тэрилтэтэ.

✅ Мини-футбол 8×8:

🥇 1 миэстэ – РФ норуотун үөрэҕириитин, наукатын үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – «Профалмаз».

🥉 3 миэстэ – Авиация үлэһиттэрин уонна гидрометеослужба идэлээх сойууһун Саха сиринээҕи тэрилтэтэ (ЯРТО).

✅Кыыс оҕолоох спортивнай дьиэ кэргэттэр ортолоругар

🥇 1 миэстэ – РФ физическэй култуура, спорт уонна туризм үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – РФ «Нефтегазстройпрофсоюз» тэрилтэтин Саха сиринээҕи тэрилтэтэ.

🥉 3 миэстэ – Судаарыстыбаннай тэрилтэлэр үлэһиттэрин идэлээх сойууһун Саха сиринээҕи тэрилтэтэ.

✅Уол оҕолоох спортивнай дьиэ кэргэттэр :

🥇 1 миэстэ – РФ норуотун үөрэҕириитин уонна наукатын үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – Наука үлэһиттэрин холбоһуктаах профкома.

🥉 3 миэстэ – «Профалмаз» тэрилтэ.

✅ Канаат тардыһыыта:

🥇 1 миэстэ – Судаарыстыбаннай тэрилтэлэр үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – «Саха сирин тимир суоллара» холбоһуктаах ППО.

🥉 3 миэстэ – «Профалмаз». Кыайыылаахха — «Профдисконт» ХЭТ-тэн 100 тыһ. солк. сэртипикээт.

❗✅Уопсай хамаанданан түмүк:

📍5000-чэкэ чилиэннээх бөлөхтөр ортолоругар

🥇 1 миэстэ – РФ физическэй култуура, спорт уонна туризм үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – РФ «Нефтегазстройпрофсоюз» Саха сиринээҕи тэрилтэтэ.

🥉 3 миэстэ – Авиация үлэһиттэрин уонна гидрометеослужба идэлээх сойууһун Саха сиринээҕи тэрилтэтэ.

📍✅5000-тан элбэх чилиэннээх бөлөхтөргө:

🥇 1 миэстэ – РФ норуотун үөрэҕириитин, наукатын үлэһиттэрин идэлээх сойууһун Саха сиринээҕи тэрилтэтэ.

🥈 2 миэстэ – «Профалмаз».

🥉 3 миэстэ – Судаарыстыбаннай тэрилтэлэр үлэһиттэрин идэлээх сойууһун Саха сиринээҕи тэрилтэтэ.

Волейбол, баскетбол, футбол федерациялара уонна «Биир ньыгыл Арассыыйа» өйөөччүлэрэ бастыҥ оонньооччуларга анал бириистэри туттардылар.

☀️Тэрээһини Ай Ди (Алена Дегтярева) «Олимпиада-80» ырыата уонна Василена Шарина «Кыайыы» ырыата киэргэттэ.

📝V Спартакиада түмүктэннэ. Мантан салгыы Бүтүн Арассыыйатааҕы үлэһиттэр спартакиадаларыгар кыттарга анаан, өрөспүүбүлүкэ сүүмэрдэммит хамаандата тэриллиэ.

Бу туһунан СӨ Идэлээх сойуустарын федерациятын пресс-сулууспата суруйар.