Үс Хатыҥҥа сүтэрсибэт туһугар

Оннук түбэлтэҕэ тугу гыныахтаахпытый?

"Киин куоракка" СӨ Ис дьыалаҕа министиэристибэтэ иһитиннэрбитинэн, полиция түһүлгэтэ уруккуттан олохсуйбут миэстэтигэр, 1 №-дээх КПП аттыгар баар буолуоҕа.

Бэрээдэги кэтээһиҥҥэ быйыл 800 ИДьМ, Росгвардия, чааһынай харабыллыыр тэрилтэлэр сотрудниктара, волонтердар үлэлиэхтэрэ.

Урут биэс киирии аан (КПП) баар эбит буоллаҕына, быйыл эбии алтыс арыллар – ипподром автостоянкатын аттынан.

Суолга сэрэхтэх буолууну Госавтоинспекция үлэһиттэрэ хааччыйыахтара.

ИДьМ үлэһиттэрэ сүбэлээбиттэринэн, оҕоҕутун, аҕам саастаах дьоҥҥутун хараххыт далыттан сүтэрэн кэбистэххитинэ, ханнык баҕарар дьуһуурустубаҕа хаама сылдьар полиция үлэһитигэр этэҕит. Иһитиннэрии тута полиция штабыгар салгыы бэриллэр. Эбэтэр полиция түһүлгэтигэр кэлэн иһитиннэриэххитин сөп – полиция түһүлгэтэ сыллата биир сиргэ КПП-1 аттыгар баар (каартаҕа көр).

СӨ ИДьМ былырыыҥҥы ыһыах сводкатын таһаарда:

• 71 муммут оҕо булуллубута, ол иһигэр 39 оҕо – түүҥҥү бириэмэҕэ.
• 5 муммут аҕам саастаах киһи көстүбүт.
• Хас да суотабай төлөпүөн, 3 балаакка хаһаайыттарыгар төннөрүллүбүт.
• 27 итирик туруктаах киһи тутуллубут.
• 1 аккредитацията суох беспилотнигы көтүппүт киһи отделга тиксэриллибит.
• 44 суол быраабылатын кэһии регистрацияламмыт.

Быйылгы ыһыахпыт араас быһылаана суох аастын!