Өртөөһүн бобуллар
Дьокуускай куорат дьаһалтатын «Гражданскай оборонаҕа, нэһилиэнньэ ыксаллаах быһыыга-майгыга көмүскэллээх уонна баһаарынай куттал суох буолуутугар управлениета» сир учаастагын бас билээччилэргэ уонна арендалаһааччыларга өртөөһүнү ыытыы бобулларын санатар.
РФ Бырабыыталыстыбата ылыммыт баһаары утары эрэсиимин Быраабылатын 185-с пуунунан тыа хаһаайыстыбатыгар аналлаах сирдэргэ, нэһилиэнньэлээх пууннарга уонна саппаас сирдэргэ хаппыт оту, сэтиэнэҕи, хадьымалы өртөөһүн бобуллар.
Инньэ гынан тыа хаһаайыстыбатыгар аналлаах сир ханна баарыттан тутулуга суох хайа да кээмэйдээх өртөөһүнү ыытыы сокуонунан күүскэ хааччахтанар.
Хаппыт оту уматааччы, баһаар барарыгар кутталы үөскэтэрин таһынан, РФ баһаары утары эрэсиимин кэһээччи буолар, баһаарынай куттал суох буолуутун быраабылаларын кэһии иһин административнай, холуобунай уонна гражданскай-правовой эппиэтинэскэ тардыллар.
Умайан тахсыы баар сирин тута биллэрэр нүөмэрдэр: баһаарынай охрана – 101, кэлим дьуһуурунай-диспетчерскэй сулууспа – 32-22-30, 32-23-64, 32-23-69 эбэтэр быыһыыр сулууспа – 112.
Хаартыскалар:
Дьокуускай уокуруктааҕы дьаһалтатын сайтыттан
Сонуннар
Ордук ааҕаллар
