Роза, виноград уһуктубут буоллахтарына
Соҕурууттан интэриниэтинэн сакаастыырдааҕар сыаналара удамырынан, саха киһитэ, этэргэ дылы, ытыран көрбүтүн эрэ ордорорунан даҕаны, атыы үчүгэйдик барар быһыылаах.
«Киин куорат» дьоруойа, чэчик арааһыттан саҕалаан, розаҕа, виноградка тиийэ үүннэрэр баай уопуттаах Евдокия Гаврильева-Сибэкки Дуунньа оҕуруотчуттар бөлөхтөрүгэр бу туһунан үллэстибит сүбэлэрин болҕойуохха:
Гаражка, боппуолдьаҕа, хотоҥҥо кыстаан турар розалар, виноградтар, атын да элбэх сыллаах үүнээйилэр уһуктан киирэн бардахтарына хайыыбытый?
– Бу үүнээйилэр таһырдьа бэс ыйын 10-ун кэнниттэн биирдэ тахсаллар. Онон, бастатан туран, үүнэллэрин хайа кыаллар ньыманан туормастыахха наада. Холобур, гаражпытын сөрүүкэтиэххэ, хортуоппуй хараллар сиригэр көһөрүөххэ сөп. Үүнээйилэрбит +5…+10° кыраадыска туралларын ситиһэргэ кыһаллабыт. Сырдык, сылаас буолла да, үүнэн бараллар.
– Ону истибэккэ, син биир үүнэ турар буоллахтарына, хайыахпытый, үүннэрэр буоллахпыт. Оччотугар, сырдык буолан баран, күн уота тыкпат сиригэр уурабыт. Уутун бэрт кыратык сиигирдэн эрэ биэрэбит. Буора эрэ хаппат гына. Эбии аһылык тугу да куппаппыт.
– Уһуктан, унньулуччу үүнэн эрэр буоллаҕына, куттаммакка, харыстаабакка, үөһээ өттүн кыратык быһан быраҕабыт. Оччоҕо ойоҕос лабаалар тахсыахтара. Өйдөөҥ, сэниэтэ суох, иинэҕэр лабааттан үчүгэй үүнээйи тахсыбат. Күн үчүгэйдик көрдөҕүнэ, уу кутан, эбии аһылык аһатан, сырдыкка таһааран, буорун сөхсүтэн, эбэн-сабан биэрэбит.
Сонуннар
Ордук ааҕаллар
