Рейтиннээх куоластааһын: Дьокуускай куорат 45 400-тэн итэҕэһэ суох куолаһы биэриэхтээх

Дьокуускай куорат быйыл тоҕус уопсастыбаннай туонаны киллэрбитэ. Бэс ыйын 2 күнүнээҕи туругунан инники күөҥҥэ куоластааһын саҕаланыаҕыттан «Дьол аартыга» этнокомплекс (11363) уонна Доруобуйа харыстабылын үлэһиттэригэр аналлаах сквер (10323) иһэллэр.

Атын бырайыактарга куоластааһын хаамыыта хайдаҕый?

1. Доруобуйа харыстабылын үлэһиттэрин искибиэрэ

Аадырыһа: Киин уокурук

Куолас ахсаана: – 10323 куолас;

2. «Собачье счастье» уопсастыбаннай туона

Аадырыһа: 202-с түөлбэ

Куолас ахсаана: 8286

3. 1941-43 сс. Ржев куорат иһин кыргыһыыга охтубут буойуннарга аналлаах искибиэр

Аадырыһа: Хабаров уул., 11

Куолас ахсаана: 1628

4. Сэргэлээх күөлүн кытыла

Аадырыһа: ДСК түөлбэтэ, Сэргэлээх күөлэ

Куолас ахсаана: 1263

 

5. Алмаасчыттар искибиэрдэрэ

Аадырыһа: Сайсары уокуруга, Лермонтов уул.

Куолас ахсаана:  1337

6. Щорс күөлүн кытыла (1-кы түһүмэх)

Аадырыһа: Щорс күөлэ

Куолас ахсаана: 2983

7. «Дьол аартыга» этнокомплекс («Ытык сир» паарка 2-с түһүмэҕэ)

Аадырыһа: Гагаринскай уокурук

Куолас ахсаана: 11363

8. Речниктэр искибиэрдэрэ

Аадырыһа: Губинскай уокурук, Бестужев-Марлинскай уул., 2

Куолас ахсаана: 1601

 

9. 203-с түөлбэҕэ кытылы тупсарыы

Аадырыһа: 203-с түөлбэ

Куолас ахсаана: 2087

* * *

Санатар буоллахха, бэнидиэнньиктээҕи былаанныыр мунньахха баһылык Евгений Григорьев рейтиннээх куоластааһыҥҥа сыһыаннаан быйыл Дьокуускай куоракка сүктэриллибит былаан лаппа үрдээбитин этэн турар. Ол курдук, өскөтүн былырыын  34 тыһыынча куолаһы киллэрэр сорук турбут буоллаҕына, быйыл былаан 30% үрдээн, 45 тыһыынчаҕа чугаһатыллыбытын бэлиэтээбитэ. Евгений Григорьев манан сибээстээн Дьокуускай куоракка тутуллар эбийиэктэри үбүлээһин кээмэйин үрдэтэргэ регион бырабыыталыстыбатын кытта үлэни ыытарга соруйбута.

«Куорат сиригэр табыгастаах эйгэни тэрийии» бырайыак көмөтүнэн Дьокуускай куоракка 2018 сылтан 11 уопсастыбаннай туона оҥоһулунна. Бу барыта – куорат олохтоохторо көхтөөхтүк куоластаабыттарын түмүгэ. Ол иһигэр былырыын Гагарин искибиэрин уонна Таалай күөлгэ «Обнаженные сердца» оҕо былаһааккатын бырайыактара муҥутуур элбэх куолаһы ыланнар, быйыл тутуллаары тураллар.

Быйыл куоластааһыҥҥа киирбит 9 бырайыактан икки кыайыылаах 2027 сылга олоххо киириэхтэрэ.

Санатар буоллахха, куоластааһын бэс ыйын 12 күнүгэр диэри zagorodsreda.gosuslugi.ru сайт нөҥүө ыытыллар. 

Тапталлаах куораппыт сайдарыгар хас биирдиибит куолаһа наада!