Үөрэтэр интенсивкэ ыҥыраллар

Сэтинньи 13 күнүгэр Дьокуускайга «Школа 21» бырагыраамалааһын оскуолатыгар «ТехДни 3.0: вектор инноваций» үөрэтэр интенсив ыытыллыа.

Бырагыраама устудьуоннарга, эдэр исписэлиистэргэ уонна идэтийбит оҥорон таһаарааччыларга (разработчиктарга) туһаайыллар. Бу үөрэтии былаанын быһыытынан ыҥырыллыбыт экспердэр лиэксийэлэри уонна практикумнары ыытыахтара: прикладной кейстэри ырытыы, оҥоһуу өй үстүрүмүөннэрин көрүү, хамаанданан үлэ уонна дьон иннигэр кэпсээһин модуллара. Оттон үөрэх практикаҕа чааһыгар кыттаачылар тус бэйэлэрин бырайыактарын бэлэмниэхтэрэ. 
Бу интенсивкэ кыттарга саҥа технологиялары, IT бырагыраамалааһыны сэргиир ким баҕалааҕы ыҥыраллар.
Тэрээһин таһаарыылаах толкуйу сайыннарыан, идиэйэлэрин сыыппара көмөтүнэн олоххо киллэрии үстүрүмүөннэрин баһылыан баҕалаах устудьуоннарга, саҥа үлэлээн саҕалааччы IT-исписэлиистэргэ уонна урбаанньыттарга туһалаах буолара күүтүллэр. 
Интенсивкэ кыттыы босхо, регистрацияланыы сигэтэ: //leader-id.ru/events/581307.
Интенсиви сэтинньи 13 күнүгэр болдьоон ыытыы мээнэҕэ буолбакка, Ил Дархан СӨ бастакы Бэрэсидьиэнэ М.Е. Николаев аатын үйэтитэр соруктаах бигэргэппит Саха сиригэр Инновация күнүгэр ыытыллыа. 
Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

Хаартыска: СӨ Ил Дарханын уонна Бырабыыталыстыбатын пресс-сулууспатын официальнай телеграм-ханаалыттан