Репетиторга нэдиэлэҕэ төһөнү төлүүгүт?

Ыйытыкка 7 – 11 кылаас үөрэнээччилэрин төрөппүттэрэ кыттыбыттар: 31% – 7-8 кылаас үөрэнээччилэрин төрөппүттэрэ, 50% – 9 кылаас үөрэнээччилэрэ, 58% –10-11 кылаас.

Биллибитин курдук, 7-8 кылаас үөрэнээччилэригэр төрөппүттэр сүрүннээн алгебра, геометрия, английскай тыл, нуучча тыла уонна литературата, физика, информатика предметтэригэр репетитор наймылаһаллар. Манна төрөппүтэр нэдиэлэҕэ ортотунан 3900 солк. төлүүллэрин эппиттэр.

9, 10 уонна 11 кылаас үөрэнээччилэригэр эбии дьарык ордук чуолаан эксээмэннээх предметтэргэ наадатын ыйбыттар – алгебра, геометрия, нуучча тыла уонна литературата. Оҕо бэйэтэ талар эксээмэнигэр эбии дьарыкка английскай тыл, физика уонна информатика (9 кылаастарга химия эмиэ). Ол түмүгэр 9 кылаас үөрэнээччитин төрөппүтэ нэдиэлэҕэ ортотунан – 5100 солк., үрдүкү кылаастар төрөппүттэрэ 6000 солк . ороскуотурарын ыйбыттар.