Үөрэнээччилэргэ биэрэпис туһунан кэпсииллэр

Нэһилиэнньэ биэрэпиһэ туохха нааданый? Биэрэпиһи дьиэттэн тахсыбакка хайдах ааһыахха сөбүй? Арассыыйа территориятыгар төһө киһи олороруй? Дойдубутугар бастакы биэрэпис хаһан ыытыллыбытай? Статистиктар диэн кимнээҕий? Ити уонна да атын ыйытыктарга үөрэнээччилэр чэпчэкитик хоруйдуур кыахтаннылар, оскуолаларга Бүтүн Арассыыйатааҕы нэһилиэнньэ биэрэпиһигэр анаммыт кылаас чаастарыгар ити туһунан толору информация бэриллэр. 
Үөрэнээччилэр ити тиэмэҕэ интириэстэрин көрдөрөллөр – биэрэпис алтынньы 15 күнүгэр саҕаланна, сорох оҕолор төрөппүттэрин кытта «Госуслуги» портал нөҥүө биэрэпис былааҥкаларын толорон QR-кодтары ылбыттар, сорохтор биэрэпискэ саҥа кыттаары сылдьаллар. 
Преподавателлэр  итинник уруоктарга үөрэнээччилэргэ саастарын таһымыгар сөп түбэһэр Росстат бэлэмнээбит видеороликтарын көрдөрөллөр.  
Учууталлар 14 саастарын туолбут, пааспар ылбыт оҕолор «Госуслуги» порталга киирэн бэйэлэрин уонна чугас дьоннорун суруйуохтарын сөп диэн санаттылар. 
Биэрэпискэ «Госуслуги» портал нөҥүө кыттарга туох ирдэнэрий:
• «Госуслуги» порталга (Gosuslugi.ru) биир халыыптаах эбэтэр бигэргэтиллибит учуоттаах сурутуу;
• смартфон эбэтэр Андроид эбэтэр iOS операционнай систиэмэлээх планшет, Windows эбэтэр iOS операционнай систиэмэлээх компьютер;
• Интэриниэт ситимигэр киирэр кыах.
 «Госуслуги» нөҥүө электроннай биэрэпиһи алтынньы 15 күнүттэн сэтинньи 8 күнүгэр диэри ааһыахха сөп.