Үөрэнээччи доруобуйатыгар улахан болҕомто ууруллуоҕа

II Бүтүн Арассыыйатааҕы төрөппүттэр кэмитиэттэрин сийиэстэригэр 600 киһи кытынна. Тэрээһин Москваҕа “Россия” Национальнай кииҥҥэ буолла.

Сийиэс сүрүн түмүктэрэ:

• Чөл олоҕу өрө тутуу – 2027 сылга үөрэхтээһин саамай сүрүн соруга. Оскуола үөрэнээччилэригэр чөл олох култууратын уонна үөрүйэхтэрин күүскэ киллэриэхтэрэ.
• Үөрэнээччилэргэ федеральнай таһымнаах быһа линия үлэлиэҕэ – мөккүөрдээх түгэннэр үөскээтэхтэринэ, оҕолор хаһан баҕарар эрийэр кыахтаныахтара.
• Арассыыйа үөрэхтээһинин миниистирэ тоһоҕолоон бэлиэтээбитинэн, Бүтүн Арассыыйатааҕы төрөппүт кэмитиэтэ дойду бэрэсидьиэнэ Владимир Путин сорудаҕынан тэриллибит сүрүн сыала: үөрэхтээһиҥҥэ төрөппүт санаатын истэр, дьаһаллары олоххо киллэрэргэ төрөппүттэргэ тирэҕирэр сыаллаах.
• “МАКС” мессенджергэ арыллыбыт “Үөрэх миниистиригэр төрөппүт ыйытыыта” чат-ботка тыһыынчанан ыйытыы киирбит. Хомуллубут ыйытыыларга тирэҕирэн, регионнары кытта үлэ ыытыллыаҕа.