Реклама уонна биллэрии конструкцияларын туруоруу бэрээдэгэ

Дьокуускай куорат Олохтоох дьаһалтатын муниципальнай инспекциятын салаата бас билээччилэргэ, урбаанньыттарга уонна юридическай сирэйдэргэ «Дьокуускай куорат» Куораттааҕы уокуругун сиригэр-уотугар рекламнай уонна иһитиннэрэр конструкциялары туруорарга бигэргэтиллибит бэрээдэги тутуһалларыгар санатар.

«Дьокуускай куорат» Куораттааҕы уокурук сиригэр-уотугар Тупсаҕайдык дьаһанан олоруу быраабылаларыгар олоҕуран, иһитиннэрэр конструкциялары ыйыырга (ыйынньыктар, биллэриилэр, табличкалар уонна онуоха маарыҥныыр эбийиэктэр) Дьокуускай куорат Олохтоох дьаһалтатын Тутууга уонна архитектураҕа департаменын кытта сөбүлэҥнээх буолуохтаах. Маннык конструкциялары анал сөбүлэҥэ суох туруоруу муниципальнай нуорма аактатынан бигэргэммит ирдэбиллэри кэһэр.

Маны таһынан, рекламнай конструкциялары көҥүлэ суох туруоруу  «Реклама туһунан» 13.03.2006 № 38-ФЗ Федеральнай сокуон реклама туруоруутун, оҥоһуутун уонна монтажтааһынын балаһыанньатын кэһэр.

Информационнай эбэтэр рекламнай конструкциялары анал көҥүлэ суох туруоруу түбэлтэтэ тахсар түгэнигэр Олохтоох дьаһалта муниципальнай инспекциятын салаата кэһии тахсыбытын туһунан сурук биэрэр бырааптаах, ол иһигэр көтүттэриэн сөп. Маннык миэрэлэр «О государственном контроле (надзоре) и муниципальном контроле в Российской Федерации» Федеральнай сокуон 31.07.2020 № 248-ФЗ олоҕуран ылыллар.

Бигэргэммит ирдэбиллэр туолбат түгэннэригэр, административнай эппиэтинэс сүктэриллэр уонна кэһиини туоратарга модьуйаллар. 

Болҕойуҥ: Рекламалыыр уонна иһитиннэрэр ханнык баҕарар конструкциялары туруорарга Дьокуускай куорат Олохтоох дьаһалтатын Тутууга уонна архитектураҕа департаменыттан сөбүлэҥ ыларгытын умнумаҥ.

Сокуон ирдэбилин тутуһуу куорат эйгэтин куттала суох, бэрээдэктээх уонна тупсаҕай көрүҥнээх оҥорор.

Дьокуускай к. Мунициапльнай инспекциятын управлениетын иһитиннэриитэ