Үөрэх управлениетын начаалынньыга дуоһунаһыттан босхолонно

Мария Петрова Дьокуускай куорат Үөрэххэ управлениетын начаалынньыгын дуоһунаһыттан биэнсийэҕэ тахсарынан босхолонно.

М.Г. Петрова Үөрэх управлениетын 2022 сылтан салайбыта. Бу кэмҥэ 4 саҥа оскуола арылынна, 99 үөрэх тэрилтэтигэр хапытаалынай өрөмүөн ыытылынна. Оҕо саадтарыгар 990 эбии миэстэ тэрилиннэ, 1,5-тан 3-гэр диэри саастаах оҕолор бөлөхтөрүн ахсаана 24-тэн 102-гэ диэри элбээбитэ.

Маны сэргэ куорат таһынааҕы сайыҥҥы лааҕырдарга өрөмүөн ыытыллыбыта, ОВЗ диагнозтаах оҕолорго лааҕыр тэриллибитэ.

Нуучча тылыгар БКЭ туттарыы хаачыстыбата 41% -тэн 48% диэри үрдээбит, математикаҕа ОГЭ – 24,2%-тан 45,9% диэри.

Санатар буоллахха, бу нэдиэлэҕэ Физическэй култуураҕа уонна спорка управление начаалынньыга Эдуард Ефимов атын үлэҕэ көспүтэ.