Өрөспүүбүлүкэбитигэр барытыгар кэриэтэ сылаас күннэр туруохтара

Бу сырыыга — Приморье уонна Хабаровскай кыраайдартан. Уһук Хотугу оройуоннартан ураты өрөспүүбүлүкэ үрдүнэн сылаас күн-дьыл туруоҕа. Бу туһунан СИА-ҕа Дьокуускайдааҕы күнү-дьылы кэтээн көрөр тэрилтэ салайааччыта Татьяна Маршалик кэпсээтэ.

Кытайтан кэлбит итии салгын Дьокуускайга ыйдааҕы сөҥүүнү кытта сылаас күннэри аҕалла.

Синоптик этэринэн, Саха сиригэр циклоннар икки ардыларыгар температура -30 кыраадыска тиийэ тымныйыан сөп. Дьокуускайга эмиэ температура түһүө диэн сабаҕалыыллар, ол гынан баран киин куорат температурата ол таһымтан тахсыа суоҕа.

“Кэлэр күннэргэ, рекорднай таһымҥа чугаһаабыт сылаас күн-дьыл кэнниттэн, Дьокуускайга температура түһүөҕэ, ол эрээри нуорматтан 8-10 кыраадыс үрдүккэ хаалыаҕа. Түүҥҥү температура -25 кыраадыс эргин буолуоҕа, оттон күнүс -15 кыраадыс”, - диэн Маршалик эттэ.