Өрөспүүбүлүкэҕэ икки ойуур баһаара баар

«Авиалесоохрана» исписэлиистэрэ Үөһээ Бүлүү уонна Уус Алдан оройуоннар баһаардарын боптулар.

Үөһээ Бүлүү оройуонугар 7,5 га ойуур умайар. Онно “Авиалесоохрана” Бүлүүтээҕи салаатын 12 десантник-парашютиһа үлэлии сылдьар. Уот бүгүн бүтүннүү умуруоруллуохтаах.

Уус Алдаҥҥа баһаар иэнэ – 9,5 гектар. “Якутлесресурс” 15 сирдээҕи сулууспата уоту кытта охсуһар.

Бастакы иһитиннэрии быһыытынан, икки түбэлтэ киһи сыыһатыттан тахсыбыт: уоту сэрэҕэ суох туттуу уонна ыаллыы сиртэн уот тарҕаныыта. Олорор дьиэлэргэ куттал суох.