Өрүһүнэн айан тарыыба намтаабытын Ил Дархан биһириирин биллэрдэ

Чуолаан Ил Дархан Дьокуускай - Аллараа Бэстээх хайысханан өрүһүнэн айаҥҥа сыһыаннаан нэһилиэнньэттэн киирэр үҥсүүлэр сиэрдээхтэрин бэлиэтээн туран, Мэҥэ Хаҥалас оройуонун өйөбүлүнэн саҥа тиэйээччи тэриллэн, бырайыас сыаната икки бүк кэриэтэ намтаата диэн биһириирин биллэрдэ.

Ил Дархан маны сэргэ Дьокуускайтан хоҥнор «Намыв» ыстаансыйаҕа пассажирдар өрүс аалларын сылааска күүтэр кыахтаммыттарын санатта. Манна даҕатан Ил Дархан тырааныспар министиэристибэтигэр тиэйии бары хайысхата пассажирдарга табыгастаах уонна куттала суох буолуутун хааччыйар үлэни күүһүрдэргэ сорудахтаата.

Бэлиэтээн эттэххэ, 2025 сыл атырдьах ыйын саҥатыгар Дьокуускай - Аллараа Бэстээх икки ардыгар пассажирдары уу мотуорунан тиэйии эйгэтигэр уруккуттан үлэлээн кэлбит соҕотох «ЛенаВодСервис» ХЭУо тэрилтэни сэргэ урбаанньыт Сергей Владимиров салайааччылаах «Сулус» диэн тэрилтэ үөскээбитин түмүгэр айан төлөбүрэ биллэ намтаабытын, «сулустары» өйөөн кытылга табыгастаах усулуобуйаны тэрийэргэ субуотунньуктар тэриллибиттэрин туһунан «Киин куорат» суруйан турар.