Өрөмүөннэнэр суоллар доруобуйаларынан хааччахтаах дьоҥҥо табыгастаах буолуохтара

Дьокуускайга билигин өрөмүөннэнэ турар 13 уулуссаҕа доруобуйаларынан араас хааччахтаах дьон табыгастаахтык сылдьарыгар бары усулуобуйа тэриллиэ, диэн Олохтоох дьаһалта пресс-сулууспата иһитиннэрэр. Халтурин, Ленскай, Дачнай, Ойуунускай, Лиза Чайкина, Хабаров, Кыайыы 50 сыла, Дежнев, Ефимов, Бүлүү переулога, Адаптивнай кииҥҥэ тиэрдэр суол, Сэргэлээх шоссета, Хабаров-Ярославскай-Чернышевскай-Ефимов уулуссаларын быһа охсуһууларын өрөмүөннэрин бырайыагар киирэн сылдьар:

• “Сиигэ суох” сатыы хаамар сирдэр. Сатыы дьоҥҥо табыгастаахтык суол биир күдьүс бара турар гына оҥоһуллар. Эмискэ үөһээ-аллараа түһүүтэ суох буолар.
• Бордюр намтаан биэрэр. Тротуартан суолга тахсыыга (суол туоруур сиргэ тахсыыга, тиэргэннэртэн тахсыыга) бордюр үрдүгэ 0-1,5 см эрэ үрдүктээх гына оҥоһуллар (кэлээскэлээх инбэлииттэргэ уонна кыра оҕолоохторго анаан). Бу барыта ирдэбиллэргэ ыйылла сылдьар.
• Илии иминэн навигация. Суолу туоруур сирдэргэ чаҕылхай араҕас өҥнөөх, сурааһыннардаах “тактильнай” билиитэ ууруллар. Бу харахтарынан мөлтөхтүк көрөр уонна көрбөт дьон сирдэтинэн сылдьалларыгар табыгастаах.
• Оптуобус тохтобулларын ордук табыгастаах оҥоруу. Уопсастыбаннай тырааныспар тохтобулга кэлэн тиксэр сирэ уонна оптуобус бэйэтин үрдүгэ тэҥ буолуохтара.
• Инбэлииттэргэ аналлаах парковкалар. 8.17 “Инвалиды” диэн бэлиэлээх массыына тохтотор сирдэр уопсастыбаннай тэрилтэлэр, атыы-эргиэн кииннэрин тастарыгар баар буолуохтара.

Бу ыйыллыбыт үлэ барыта “Олох инфраструктурата” национальнай бырайыакка олоҕуран ыытыллар.