М.Н. Донской аатынан Өрөспүүбүлүкэтээҕи инбэлииттэр техникум-интэринээттэрин баазатыгар быйыл бэһис сайынын үлэлиир лааҕыр араас улуустан 110 кырдьаҕаһы түмтэ.

Сезону үөрүүлээх арыйыыга Бырабыыталыстыба бэрэссэдээлтэлин солбуйаачы Георгий Степанов, үлэ уонна социальнай сайдыы миниистирэ Елена Волкова, Куорат дууматын бэрэссэдээтэлин бастакы солбуйааччы Евдокия Евсикова кыттыыны ыллылар.

Евдокия Евсикова бэлиэтээбитинэн, Саха сирэ маннык лааҕыры дойдуга биир бастакынан үлэлэппитэ. Тэрийээччилэринэн үлэ уонна социальнай сайдыы министиэристибэтин кытта «Үһүс саас оскуолата» бырайыак буолар. Симиэнэ от ыйын 27 күнүттэн атырдьах ыйын 2 күнүгэр диэри ыытыллар. Нэдиэлэ устата сынньанааччылары киэҥ хабааннаах култуурунай, социальнай бырагыраама күүтэр.