Өрөбүллэргэ тугу астанабыт?

Кефиртэн кекс

Туох наадата:

- 2 сымыыт

- 1 ыст. саахар

- 100 г ынах арыыта

- 2 ыст. бурдук

- 2 ч.нь. разрыхлитель

- ванилин

Астааһына:

Ынах арыытын уулларабыт. Ону сымыыттаах саахары кытта ытыйабыт. Бурдугу, разрыхлители, ванилины туспа булкуйабыт уонна сымыыттаах иһиккэ холбуубут. Тиэстэбитин анал киэптэргэ кутаттыыбыт. Биир улахан эбэтэр кыра-кыра элбэх кекси оҥоруохха сөп. Бэйэ сөбүлүүрүнэн киэргэтиҥ.

Минньигэстик аһааҥ!

Судургу салаат

Туох наадата:

- 600 г куурусса куҥ этэ (филе)

- 800 г кэнсиэрбэлэммит фасоль

- 800 г кэриэйдии моркуоп

- 2-3 өлүүскэ чеснок

- укуруоп

- сүөгэй – бэйэ сөбүлүүрүнэн

- туус, биэрэс – бэйэ сөбүлүүрүнэн

Бэлэмнээһинэ:

Куурусса этин буһарабыт уонна бытархай гына кырбыыбыт. Фасоль уутун тоҕобут уонна кыратык сууйа түһэбит. Куурусса этин, моркуобу барытын биир иһиккэ кутан булкуйабыт. Онно чеснокпутун уонна укуруоппутун эбэбит, сүөгэйинэн тумалыыбыт. Туус уонна биэрэс табыгынатыахха сөп. Холодильникка чаас аҥаара туруора түһэр ордук.