QR-куодунан төлөбүрү ылар табличка баар дуо?

Санатан эттэххэ, бэс ыйын 1 күнүттэн куорат иһигэр сылдьар бары оптуобустарга анал QR-куод көмөтүнэн 58 солк. оннугар биир айан иһин 45 солк. төлүүр кыах киирбитэ. Ону пассажирдар анал табличкаларга бэриллэр QR-куод көмөтүнэн оҥороллор. Хомойуох иһин, сорох оптуобустарга ону булан көрбөппүт, онон суоппардар тус каарталарыгар ыытарга күһэллэбит. 

Бэҕэһээ Куораттааҕы суол-тырааныспар сулууспатын үлэһиттэрэ куорат оптуобустарыгар QR-куодтаах табличкалара баарын-суоҕун бэрэбиэркэлээтилэр.

Барыта 18 оптуобуска эриэйдэ оҥоһуллубут. Таарыйа оптуобустар санитарнай туруктарын көрбүттэр.

Өскөтүн оптуобуска QR-куод ыйыллан турбат буоллаҕына, "Про дороги и транспорт” пабликка маршрут судаарыстыбаннай нүөмэрин ыйан туран, Куораттааҕы суол-тырааныспар сулууспатыгар биллэрэргитигэр ыҥыраллар.

Эбэтэр колл-кииҥҥэ эрийиэххитин сөп: +7 (4112) 300‑900