QR-код табличката көстүбэт?

Санатар буоллахха, СБП көмөтүнэн уопсастыбаннай тырааныспарынан биир айан иһин 58 солк. оннугар 45 солк. төлүүр кыаҕы биэрэр QR-кодтаах табличкалар бэс ыйын 1 күнүттэн куорат бары оптуобустарыгар баар буолуохтаах этилэр.

Хомойуох иһин, бүгүҥҥү күҥҥэ диэри сорох оптуобустар маннык табличкалары ыйаабакка, каартата суох дьону төлөбүрү бэйэлэрин тус счеттарыгар ыыттараллар, эбэтэр табличкалары пассажирдар булан көрбөт сирдэригэр «саһыара» ыйыыллар. Онон, чахчыта, QR-код табличкатын көрдөөһүн дьиҥнээх квестка кубулуйда.

Хаартыска: 17 №-дээх оптуобуска QR-код табличката суох.

Маннык түгэҥҥэ ЯПАК МУТ эрийэн биллэриэххитин сөп:

8(4112) 357-711

8(4112) 318-744

Эбэтэр Про дороги и транспорт пабликка уонна 300-900 босхо нүөмэргэ эрийэн иһитиннэрэҕит. Эһигиттэн оптуобус, маршрут нүөмэрин хаартыскаҕа түһэрэн эбэтэр тылынан биллэрэр ирдэнэр.

Манна даҕатан, Дьокуускай куорат маннык технологияны Уһук Илиҥҥэ бастакынан киллэрбитэ. Дьокуускай куоракка оптуобуһунан айан сыаната бүгүҥҥү күҥҥэ 58 солк. тэҥнэһэр буоллаҕына, бу QR-код көмөтүнэн 45 солк. төлүүр кыах олохтоммута.