Полиция миграннары бэрэбиэркэлээтэ

165 тас дойду гражданнарын бэрэбиэркэлээтилэр. Бу туһунан эрэгийиэннээҕи Ис дьыала министиэристибэтин пресс-сулууспата иһитиннэрэр.

31 омук граждана — 19 Орто Азия дойдутуттан уонна 12 Кытайтан — көҥүлэ суох үлэлээбиттэр. Кинилэр РФ КоАП 18.10 ыстатыйатын 1 чааһынан сокуоннайа суох үлэ дьайыытын иһин буруйданнылар. Урут Арассыыйаттан үүрүллүбүт биэс Кытай гражданинын полиция учаастагар илдьибиттэр.

Миграционнай учуокка сымыйа иһитиннэриини биэрбиттэрин, үлэ көҥүлүн болдьоҕо бүппүтүн, регистрация быраабылаларын кэспиттэрин, СӨ Баһылыгын 831 №-дээх Ыйааҕын толорботохторун иһин өссө түөрт киһи эппиэтинэскэ тардылынна. Кинилэргэ ыстараап сүктэрилиннэ.

Үлэ биэрээччилэргэ эмиэ кэһиилэри буллулар. Тутуу матырыйаалынан эргинэр чааһынай тэрилтэҕэ үс боротокуол толорулунна. Манна омук дьонун кытта үлэ дуогабарын толорууга 16 кэһии тахсыбыт.

Рейдэлэр салҕаналлар.