Полиция Дьокуускай маҕаһыыннарыттан 110-тан тахса лиитэрэ аһыы утаҕы былдьаабыт

Бырааһынньыктааҕы өрөбүллэргэ Дьокуускай полицията маҕаһыыннары бэрэбиэркэлээн, арыгы тарҕатыытын кытта сибээстээх түөрт сокуону кэһиини арыйбыт. Түмүккэ, 113 лиитэрэ сокуоннайа суох атыыламмыт арыгы былдьаммыт.

Л.Чайкина, Винокуров уонна Лермонтов уулуссаларыгар баар маҕаһыыннарга атыыһыттар бириэмэ хааччахтааһынын учуоттаабакка, киэһэ 8 чаас кэнниттэн арыгыны атыылаабыттар. Оттон Космонавтар уулуссаҕа биир сиргэ быраабы кэһии өссө улахан: арыгыны көҥүлэ суох атыылыыллар эбит. Бары атыылааччыларга административнай боротокуол толорулунна.

Полиция санатар: Саха сиригэр аһыы утаҕы киэһэ 20.00 чаастан күнүс 14.00 чааска диэри атыылыыр бобуулаах. Быраабы кэһээччилэри 20 000 солкуобайтан саҕалаан ыстараап күүтэр.