Подсолнух хонуутугар хаартыскаҕа түстүгүт дуо?
Людмила Реева, «Экоферма» хаһаайыстыба агронома:
– Сыл аайы зоотехниктарбыт сайаапкаларынан
– Сыл аайы саҥаттан сиэмэ атыылаһар эбиккит. Бэйэтин сиэмэтэ барсыбат дуо?
– Барсар гынан баран, комбайнынан хомуйтарыыга сибэккилиин, сиэмэлиин, умнастыын барыта биир маасса буола үлтүрүйэр буоллаҕа.
– Ол аата сиилэскэ хас да көрүҥ үүнээйини холбуур буоллаххыт. Чуолаан бу подсолнух туох туһалааҕый?
– Подсолнух сүөһүгэ эньиэргийэ, күүс-уох биэрэр. Ол аата сэниэлээх ынах биэрэр бородууксуйата элбэх, хаачыстыбалаах буолар. Подсолнуҕу эбиэһи, курурузаны, суданскай оту кытта Кэмпэндээйи тууһун холбоон, сиилэс оҥорор дьаамаларбытыгар дьапталҕалыыбыт. Аһытыытыгар анал биоэбилик туттабыт. Уопсайа 2000 туонна сиилэһи бэлэмнээтэхпитинэ, ынахтарбытын кыһыны туоруур эбии аһылыктарын хааччыйабыт. Билигин биһиэхэ 500-тэн тахса ынах сүөһүлээхпит.
Уу кутар систиэмэ
– Үксүн сиилэһинэн аһыыр эбиттэр. Оччоҕо оту төһөнү биэрэҕит?
– Оту түүн кэбинэллэригэр эрэ биэрэллэр.
– Оттон үүккүтүн ханна туттараҕыт?
– Дьокуускайга Үүт собуотугар туттарабыт.
– Ол аата... үүппүтүн тэпсэ сылдьар буоллахпыт...
– Айан дьоно, куорат да олохтоохторо хаартыскаҕа сөбүлээн түһэллэр. Тэпсимэҥ, хаартыскаҕа сэрэнэн түһүҥ диэн биллэриилэри ыйыыбыт, социальнай ситимнэринэн тарҕатабыт даҕаны, болҕомтоҕо ылбат дьон элбэх. Сорохтор өссө букет оҥостон үргээн барбыт буолаллар. Бааһынабыт киэҥ буолан, барытын хонтуруоллуур кыаллыбат.
– Саха сирин олохтоохторо итинник киэҥ сиринэн подсолнух үүммүтүн көрбөтөх буоллахпыт. Ол эрээри, биллэн турар, дьон үлэтин сыаналаабат буолар сатаммата чуолкай.
– Бүтүн бааһынанан подсолнух үүммүтүн сэбиэскэй кэм дьоно көрбүт буолуохтаахтар. Холобур, Нөмүгүгэ Покровскайдааҕы ОПХ урут даҕаны подсолнуҕу өлгөмнүк ыспыта биллэр.
– Людмила Федоровна, махтанабыт!
Сонуннар
Ордук ааҕаллар
