Почта отделениетын өрөмүөннүүргэ куоластааһын ыытыллар

Дойдубутугар баар 38 тыһ. кэриҥэ почта сибээһин отделениеларыгар күннэтэ мөлүйүөнүнэн дьон сылдьар. Балартан 26 тыһ. тахса отделение тыа сиригэр уонна суол-сырыы мөлтөх сирдэригэр бааллар. Бу отделениелар дьиэлэрэ-уоттара үксүлэрэ эргэ туруктаахтар. 

2022 с. РФ Бэрэсидьиэнин сорудаҕынан маннык туруктаах отделениелары модернизациялыырга, туруктарын тупсарарга киэҥ далааһыннаах бырайыак үлэлээн саҕалаабыта.

Ханнык отделениеларга куоластыахха сөбүй?

РФ 81 регионугар үлэлии-хамныы олорор 23 тыһ. тахса Арассыыйа Почтатын отделениетыгар куоластыахха сөп.

Ким куоластыан сөбүй?

Куоластааһыҥҥа 18 сааһын туолбут РФ гражданина кыттар бырааптаах.

Хайдах куоластыыбыт?

- Госуслуги порталга бигэргэтиллибит учетнай запистаах сиртэн.

- Минцифры аадырыһыгар сурук ыытан: 123112, Москва к., Пресненскэй наб, 10 дьиэтэ, 2-с стр. Сурук кэлэктиибинэн эбэтэр биир киһиттэн буолуон сөп.

Ирдэнэр усулуобуйа: Биирдэ эрэ, биир эрэ отделениеҕа куоластыахха сөп, хос куоластааһын учуоттаммат. Суругунан хас да отделениеҕа куоластаатахха, куолас сурукка бастакынан ыйыллыбыт отделениеҕа ааҕыллар.

Куоластааһын болдьоҕо: Куоластааһын 2025 с. муус устар 24 күнүгэр (бүтэһик күнү киллэрэн туран) диэри ыытыллар.

Почта отделениетыгар бу сигэнэн киирэн куоластыахха сөп: https://www.gosuslugi.ru/landing/post_office

СӨ Инновацияҕа, сыыппара сайдыытыгар уонна инфокоммуникационнай технологияҕа министиэристибэтин иһитиннэриитинэн.