Павлины дьиэҕэ иитиэххэ сөп
Кини Алтаннааҕы Валерий Ноев аатынан Ырыа-үҥкүү киинигэр оҕолортон саҕалаан саастаах дьону тиийэ үҥкүүгэ дьарыктыыр.
Петр Назаров:
– 2019 сылтан хаһаайыстыба тутабыт, дьиэбит малааһыныгар дьоммут коза бэлэхтээбиттэрэ, онтон куурусса ииттибиппит. Кэлин үс павлины ылбыппыт билигин икки аҥаар саастаахтар.
Аныгылыы кыракый 3х5 хотон туттан, маһынан оттон, онно барыларын мозаика курдук сааһылаан олордобут, иитэбит. Үс павлинтан иккитэ атыыр, биир тыһы баар, сымыыттыахтаах, инкубатордыам. Былырыын биир атыырым кутуругун таһаарбыта. Көрөргө сүрдээх кыраһыабай! Оҕо бөҕөтө кэлэн көрөр, сылдьар, хаартыскаҕа түһэллэр, видеоҕа усталлар.
Билигин хотоммор 5 коза, 3 павлин, 16 куурусса быыстарыгар Сарыал диэн кырдьаҕас ытым баар, 11 сааһыгар сылдьар. Дьиэбитигэр куоска, кыра ыт тутабыт, онон кыылы-сүөлү сөбүлүүр ыалбыт.
Биир козабыт игирэ оҕоломмута. Үүтүн кэргэним сүөгэйдиир, сыыр оҥорор, суораттыыр. Икки козаттан быһа холоон 4 лиитирэ үүт ылабыт, күҥҥэ иккитэ ыыбыт.
Баҕа санаабыт диэн саҥа хотон туттуу уонна өссө страус, кыһыл көмүс феникс ылыахпытын баҕарабыт. Быйыл өссө Намтан вьетнамскай сибиинньэ сакаастаатым.
Уопсайынан, кыылы үчүгэйдик ииттэххэ, усулуобуйата үчүгэй буоллаҕына, дохуот ылыахха сөп.
Видео: https://vkvideo.ru/video-211246818_456239051?list=8b347a223ae78956e2
Сонуннар
Ордук ааҕаллар
