Паромунан айан саҥа тарыыптара олохтоннулар

СӨ Сыана политикатыгар судаарыстыбаннай кэмитиэтэ өрүһү паромунан туоратыы төлөбүрүн саҥа тарыыптарын олохтоото.
Ол курдук, тарыып хас биирдии тырааныспар паромҥа төһө миэстэни ыларыттан суоттанан таҥыллыбыт.
Чэпчэки уйуктаах массыыналар:
— ордук кыра, 4,0 м диэри уһуннаах – 1 150 солк.;
— кыра, 4,01 — 4,6 м диэри уһуннаах – 1400 солк. уо.д.а.
Пассажирдары тиэйэр мааркалаах оптуобустар:
— кыра, 5 м диэри уһуннаах – 2500 солк.;
— орто, 5,01-10 м диэри уһуннаах – 3350 солк.;
— улахан, 10,01 м тахса уһуннаах – 4400 солк.
Таһаҕас тиэйэр, бортовой, самосвал уонна шасси массыыналар:
— ордук кыра, 7,09 м диэри уһуннаах – 1 550 солк.;
— кыра, 7,09 м диэри уһуннаах – 2 600 солк.;
— орто, 7,1-8,09 м диэри уһуннаах – 4 950 солк.;
— улахан, 8,1-10,09 м диэри уһуннаах – 6 150 солк.;
— ордук улахан, 24 туоннаҕа диэри – 9 300 солк.;
— 30 туоннаҕа диэри – 11 200 солк.;
— 30 туоннаттан үөһэ – 14 800 солк.
Мотороллер, матасыыкыл бары маарката – 300 солк.
Биэдэмистибэҕэ бэлиэтииллэринэн, тарыыптар сыана муҥутуур улахан кээмэйинэн ыйыллаллар уонна тиэйээччилэргэ бэйэ тарыыбын олохтуурга тирэх буолар аналлаахтар. Ол эбэтэр тиэйээччи тарыыба бу сууматтан үрдүө суохтаах. Оттон үрдүк сыанаҕа тиэйии түбэлтэтэ бэлиэтэнэр түгэнигэр, квитанцияны Госкомцен тиэрдэн быһаартарар кыах баар: https://tarif-online.sakha.gov.ru/ots