Пааспар хаартыскатын фотошоптатыллыбат!

Саҥа пааспары ыларга, сүтэрбити, буорту буолбуту да уларытарга хаартыска хаачыстыбата, кээмэйэ ирдэбилгэ булгуччу эппиэттиир буолуохтаах.

Ол ирдэбил тутуһуллубатаҕына, атыыр аккаас кэлэригэр тиийэр. ИДьМ пааспар хаартыскатын тупсаран биэрэр, уларытар (эрэдээксийэлиир) көҥүллэммэтин санатар. Ханнык ирдэбиллэр баалларын санатар тоҕоостоох.

*Кээмэйэ  – 35 × 45 мм. Хара-маҥан да, өҥнөөх да буолуон сөп.

Пааспары биэрэртэн аккаастаныахтарын сөп, өскөтүн:

*Сайабылыанньа сыыһалаах-халтылаах буоллаҕына.

*Госпошлинаны төлөөбөтөх түгэҥҥэ.

*Киһи олоҕо суох сибидиэнньэлэри подделка докумуоннары туттарбыта билиннэҕинэ.

*14, 20 эбэтэр 45 сааһын туола илик сылдьан пааспар ылар сайабылыанньаны суруйдаҕына. Оттон пааспар сүппүт эбэтэр буорту буолбут түгэнигэр, биллэн турар, сааһыттан тутулуга суох саҥа пааспары биэрэллэр.

*РФ гражданствота суох дьоҥҥо.

*Ирдэнэр докумуоннары итэҕэс туттардаҕына.

*Киһи личноһын быһаарар кыаллыбатаҕына.