Ойуурдары буомбалаан умуруоруохтара

Бу туһунан «Авиалесоохрана» федеральнай судаарыстыбаннай бүддьүөт тэрилтэтин салайааччыта Алексей Панов иһитиннэрдэ. Кини хас да уопут ыытыллыбытын, ол гынан баран көдьүүһэ намыһах да буоллар, салгыы толкуйдар салҕанан баралларын эттэ. Кыһалҕата диэн, билигин онуоха сөптөөх дроннар суохтар.

Ону тэҥэ Ойуур харыстабылын сулууспата «Лесохранитель» видеокамера систиэмэтигэр холбоммут дроннары туһанан буруону автоматическайдык быһаарыыны олоххо киллэрэр былааннаах. Нейроннай ситим көмөтүнэн бу систиэмэ баһаар тахсыытын эрдэттэн быһаарар уонна кинилэри умуруорарга сирдээҕи биригээдэлэри түргэнник ыытар кыаҕы биэрэр. Панов ТАСС-ка интервьютугар быһаарбытынан, дроннары камералар хаппат сирдэригэр туттуохтара.

Хаартыска: Саха сиринээҕи баһаары кытта охсуһар сулууспа