Ойуу тылын күүһэ

Дьүүллүүр сүбэҕэ Николай Пахомов, хоһоонньут, СӨ Суруйааччыларын сойууһун чилиэнэ, Елена Филатова-Сыгыйык, хоһоонньут, СӨ Суруйааччыларын сойууһун чилиэнэ, Александра Жулева, «Тобуруокап көмүс күһүнэ», «Ойуу тылын күүһэ» III, lV өрөспүүбүлүкэтээҕи күрэстэр кыайыылааҕа бааллар.

Николай Пахомов, дьүүллүүр сүбэ бэрэссэдээтэлэ:
– Бу куонкуруска иккис сылбын үлэлэһэбин. Хартыына – хоһоон ис дьиҥэ арылларыгар, нууччалыы эттэххэ, "подсказка" курдук. Хоһоон айаргар ол хартыынаҕа тыын биэрэн тилиннэриэххин наада.
Тиллибит хартыынаҕа тыл сүмэтин эптэххэ, бэртээхэй хоһоон тахсыахтаах.

Галерея сэбиэдиссэйэ, СӨ култууратын туйгуна, Арассыыйа суруналыыстарын сойууһун чилиэнэ Вера Канаева:
 

– Саха Өрөспүүбүлүкэтин ойуулуур-дьүһүннүүр түмэлин Тааттатааҕы филиала живописец, СӨ искусствотын үтүөлээх диэйэтэлэ Иннокентий Дмитриевич Корякин көҕүлээһининэн, "Коммунизм" сопхуос өйөбүлүнэн 1974 сыллаахха Харбалаах бөһүөлэгэр Саха сирин үрдүнэн тыа сиригэр бастакы хартыына галереятын быһыытынан тэриллибитэ. Галерея пуондатын Афанасий Мунхалов салайааччылаах Арассыыйа худуоһунньуктарын сойууһа бэлэхтээбитэ. Күн бүгүн галерея өрөспүүбүлүкэ биир бөдөҥ түмэлин филиала буола үүнэн, айымньылаахтык үлэлиир. Филиал икки үлэһиттээх.
 

Хартыына: Неофитов Лаврентий Михайлович. Түһүлгэ. Кумааҕы, цв. линогравюра. 1962. (Харбалаахтааҕы хартыына галереятын пуондатыттан)