От ыйыттан саҥа ипотека баар буолуоҕа

Дифференцированнай дьиэ кэргэн ипотеката — оҕолорун ахсааныттан көрөн, ыалларга чэпчэтиилээх ипотека усулуобуйатын уларытыы. Маннык ньыманан бырагырааманы табыгастаах оҥорон уонна элбэх оҕолоох ыаллар үптэригэр ноҕуруускаларын аччатар сорук турар.

Билиҥҥи туругунан, хапсар заемщиктарга барыларыгар ыстаапка 6%-тан үрдүө суохтаах этэ. Ыстаапканы араарар маннык барыйааннар көрүллүбүттэр:

биир оҕолоох ыалларга — 10–12 %;

икки оҕолоох ыалларга — 6 %;

элбэх оҕолоохторго — 4 % уонна онтон намыһах.

Ону таһынан, олорор эрэгийиэни уонна нэһилиэнньэлээх пууну учуоттуур санаалаахтар. Бырабыыталыстыба бэрэссэдээтэлин солбуйааччы Марат Хуснуллин эппитинэн, параметрдары сотору кэминэн бэлэмниэхтэрэ, ол кэннэ уларыйыылар күүстэригэр киириэхтэрин сөп.

Оҥоһуллубут ипотеканы хаттаан ааҕыы уустук буолуо, бастакы усунуоска, бас билиини страховкалааһын эбэтэр заемщиктар састааптарыгар саҥа хааччахтар киириэхтэрин сөп. Ипотека ылыан баҕалаахтар, бааннарга билиҥҥэттэн усулуобуйалары чопчулаһыҥ.