Оскуоланы бүтэрээччилэр – үрүҥ баарыс аннынан

Ол курдук, култуура миниистирэ Афанасий Ноев өссө биэс сыл анараа өттүгэр выпускниктарга аналлаах тэрээһин баара буоллар диэн көҕүлээһининэн Ем. Ярославскай аатынан Саха түмэлигэр «Белые паруса» диэн аатынан быйыл төрдүс сылын ыытылынна.

Октябрина Петровна Максимова, Саха түмэлин сырдатар-үөрэтэр салаатын сэбиэдиссэйэ:

– Ыам ыйын 16 күнүгэр Сахабыт сирин бастакы, биир бастыҥ, кырдьаҕас Ем. Ярославскай аатынан Саха түмэлэ (дириэктэр Николай Бугаев) тэлгэһэтигэр оскуоланы бүтэрээччилэри чиэстиир «Белые паруса» диэн ааттаах тэрээһин киэҥ далааһыннаахтык буолан ааста. Манна 1975 сылтан 1996 сылга диэри выпусктар уонна быйылгы оскуоланы бүтэрээччи 11 кылаас оҕолоро кытыннылар. Ол курдук, Марха 1 №-дээх орто оскуолатыттан уонна Сахаполитехническай лицейтэн 11 кылаастар. Ону тэҥэ быйыл алын сүһүөҕү бүтэрээччи оҕолор 2 №-дээх оскуола 4 «А» (салайааччы Надежда Афанасьевна Петрова), Дьокуускай куорат 6 №-дээх оскуолатын 4 «Д» (салайааччы Раиса Егоровна Аммосова) кытыннылар.

«Белые паруса» выпускниктар сэлэлии хаамыыларыттан саҕаланна. Сахабыт сирин чаҕылхай сулуһа Василий Новоприезжай «Дьол» диэн  ырыанан эҕэрдэлээтэ. Аҕа саастаах выпусктар иннилэригэр Эрсан Попов (11-с кылаас, СПЛ), алын сүһүөхтэн  Кирилл Кубаров (2 №-дээх оскуола) тыл эттилэр.
Аҕам саастаах көлүөнэ оскуоланы бүтэрээччилэргэ анаан эҕэрдэлэрин, баҕа санааларын тириэртилэр.
Хас сылын аайы ыытыллар «Орлятский круг» баҕа санаа чүмэчитин долгуйан туран мустубут дьон илииттэн илиигэ бэристилэр.
Өссө флешмоб бука бары толорон, өрө көтөҕүллүүнэн түмүктэннэ. Бу тэрээһин көҕүлээччилэрэ, тэрийээччилэрэ «Выпуск-85». Биһиги Саха түмэлэ быйыл үһүс сылын бииргэ бу выпусктуун ыыттыбыт. Онон биһиги бастатан туран «Выпуск-85» түмэл аатыттан истиҥ, дириҥ махталбытын тириэрдиэхпитин баҕарабыт.
Уонна бука бары кыттыыны ылбыт ыалдьыттарбытыгар махтанабыт.

Дьокуускай куорат 2 №-дээх оскуолатын 4 «А» кылааһын үөрэнээччилэрэ:

– Биһиги начаалынай оскуола выпускниктарабыт. Кылааспыт салайааччыта Надежда Петровна. Биһиги кылааһынан ыллаатыбыт. СПЛ 11-с кылаастара вальстаабыттарын үөрэ көрдүбүт. Өссө баҕа санаабытын этиннибит. Улахан дьоннор наһаа үчүгэй тыллары этэн, өссө ырыа ыллаан, бииргэ флешмоб үҥкүүлээн, үөрдүбүт аҕай. Өссө «Хомуур күрэх» оонньууга кыттаммыт, кылааспыт уолаттара Кубок ыллылар. Кыргыттарбыт иккис миэстэ ылан, бары мэтээллээх бардыбыт.
Наһаа үчүгэй бырааһынньык буолла.

Лилиана Антонова, Саха АССР 1985 сылга бүтэрбит выпуск түмсүүтүн лидерэ:

– «Выпуск-85» «Чороон улуустарынан» бырайыакпыт чэрчитинэн түмэллэри кытта үлэбит биир хайысхата выпускниктарга аналлаах «Белые паруса» «Выпуск-85» үүнэ-сайда турарыгар, бырайыак сайдыытыгар зодиагынан бөлөхтөрбүт үп-харчы өттүгэр тирэх баар буолан маннык улахан хабааннаах бырайыактардаахпыт. Онон өрөспүүбүлүкэ араас нэһилиэктэринэн олорор үөлээннээхтэрбит ыраахтан кыттыһа олороллор. Уопсай тэрээһиннэрбитин маннык дьаһанаммыт кыайа тутабыт диэн бэлиэтиэххэ наада.
Түгэнинэн туһанан барыгытыгар барҕа махтал!
Быйылгы «Белые паруса» тэрээһин оскуоланы 1975, 1976, 1985, 1990, 1995, 1996 уонна быйыл 2026 сылга бүтэрбиттэри түмтэ.
2026 сыллаах выпускниктар 50 сылынан бүгүн көрбүт Кубоктарын тутуохтара. Ол курдук кыһыл көмүс сылларын быйыл бэлиэтиир 1976 выпусктарга көһөрүллэ сылдьар Кубогы «Выпуск-75»  үөрүүлээхтик туттарыыта тэрээһин сүрүн идеятынан буолла.
Биһиги маны тэрийэн ыытар выпуск буоларбыт быһыытынан «Хомуур күрэх» оонньууну ыытыстыбыт. Ааптар Владимир Емельянов хамаанданан кэлэн судьуйалаата.

Владимир Емельянов, «Хомуур күрэх» ааптара:

– Мин  выпускниктар тэрээһиннэригэр бастакыбын сырыттым. Наһаа ис киирбэх, киһи дууһатын таарыйар тэрээһин эбит. Эп-эдэр 16 саастаах сиэннэрбитин, оҕолорбутун кытта тэбис-тэҥҥэ үҥкүүлээн тэбиини аһары солуннук ылынным. Тыл этиилэрэ, ырыалар барыта дууһаны ортотунан киирэллэр. Күрэхтэһиибит бэрт сэргэхтик, биир тыынынан барда. Бу хамаанда күрэхтэһиитин толкуйдаабыппыт аһара ырааппата. Урут хас биирдии хамаанда кыттааччытын бириэмэлэрин сууммалыыр этибит, кэлин итинник толкуйдаабыппыт бэрт эбит, түргэн, ордук сытыы күрэхтэһии буолар. Элбэх хамаанда буоллар, өссө интэриэһинэй буолуо этэ.

Онно выпусктар истэригэр:
1 миэстэ – 1996
2 миэстэ – 1983
3 миэстэ – 1995
4 миэстэ – 1985
5 миэстэ – Үҥкүү Эйгэтэ
Оҕолорго:
2 №-дээх оскуола 4 кылааһын үөрэнээччилэрэ  кыыс уонна уол хамаандатын туруордулар. Кыргыттар 2 миэстэлэнэн – үрүҥ көмүс мэтээлгэ,  оттон кыайыы кубогын уонна кыһыл көмүс мэтээли уолаттар хамаандалара ыллылар.
Оҕолор олус астынан, өссө оонньуох этибит дэһэллэр.
Саха түмэлин тэлгэһэтигэр араас көлүөнэ выпускниктара «Белые паруса» бырайыакка маннык сылын аайы түмсэр биир суолталаах тэрээһиммит буолар.
Бырайыагы өйөөбүт, кыттыыны ылбыт выпусктарга махтанабыт.