«Оскуолалар дириэктэрдэрэ» үөрэх выпускниктарын төрөппүттэригэр эрийэн эрэллэр

ИИ-нэн түөкүттэр оскуола дириэктэрин эбэтэр университет деканын куолаһын үтүгүннэрэллэр. Ол кэнниттэн төрөппүттэргэ эрийэн, салалта аатыттан харчы көрдүүллэр.

«2026 сылга саҥа схемалар баар буоллулар, олортон биирдэстэрэ — "деканат" эбэтэр "кылаас салайааччыта" аатыттан искусственнай өйү туһанан эрийиилэр. Түөкүттэр оскуола дириэктэрин эбэтэр декан куолаһын үтүгүннэрэн, төрөппүттэртэн оскуоланы бүтэрэр банкекка эбэтэр суох ыстараабы төлүүргэ диэн харчы көрдүүллэр», — диэн юрист быһаарда.

Өссө биир түөкүннээһин схемата — выпускной хаартыскаҕа уонна видеоҕа устууга эрдэттэн төлөбүр. Социальнай ситимнэргэ идэлээхтик устууну чэпчэки сыанаҕа оҥоруохпут диэн түөкүттэр биллэрии таһаараллар, килийиэннэртэн эрдэттэн төлөбүр ылаллар, ол кэннэ тэрээһиҥҥэ кэлбэккэ сүтэн хаалаллар.