Оскуола үрүсээгин хайдах талабыт?

Оҕо сүгэр суумкатын таларбытыгар бастатан туран ыйааһыныгар, конструкциятыгар, оҕо күннэтэ илдьэ сылдьарыгар табыгастааҕар болҕомто ууруохтаахпыт.

Иччитэх үрүксээк ыйааһына чэпчэки буолуохтаах:

• Алын кылаастарга – 700 г.
• Орто, улахан кылаастарга – 1 кг тахсыбат.

Алын кылаас үөрэнээччитигэр форматын тутар кытаанах, көхсө ортопедическай киллэһиктээх буолуохтаах. Оччоҕо үрүсээк оҕо көхсүгэр сыстар, табыгастык олорсор, ыйааһынын биир тэҥник тарҕатар.

Сүгүллэр суумка санныгар иилинэр кура кэтит, сымнаҕас буолара ордук. Оҕо уҥуоҕуттан көрөн кылгатан/уһатан биэрэбит.

Хараҥаҕа сырдаан көстөр элеменнэрэ иннигэр көстөр сиргэ, ойоҕоһунан уонна үөһээҥҥи клапаныгар, хаппаҕар хайаан да баар буолуохтаахтар. Маннык киллэһиктэр оҕону суоппардар хараҥаҕа таба көрөллөрүгэр наада буолаллар.

Үрүсээк хайаан да маркировкалаах буолуохтаах. Маркировкатыгар нууччалыы хас саастаах оҕоҕо анаммыта, табаар толору аата-суола, оҥорон таһаарааччы туһунан информация баар буолуохтаах.