Оскуола оҕолоругар саҥа, ураты предмет киириэҕэ: Туохха үөрэтиэхтэрэй?

Саҥа үөрэх дьылыттан саҕалаан Арассыыйа оскуолаларыгар 1-4 кылаастарга “Мин дьиэ кэргэним” диэн кылаас таһынааҕы куурус дьарыктарын киллэрээри гыналлар. Арассыыйа Үөрэҕин министиэристибэтэ үөрэнэр кинигэлэр хайыы үйэ федеральнай испииһэккэ киирбиттэрин бигэргэттэ.

Дьарыктар ыйга биирдэ – биир тиэмэҕэ ыытыллыахтара диэн РИА-ҕа куурус ааптара Татьяна Поликарпова иһитиннэрдэ. Маныаха предмет булгуччулаах буолбатах: оскуолалар бэйэлэрэ көрөн, төрөппүттэр баҕаларын учуоттаан олоххо киллэриэхтэрэ.

Куурус ис хоһооно кылаастан кылааска араастаһар:

• 1 кылаас

Сүрүн тиэмэ – таптал.Үөрэнээччилэр дьиэ кэргэн оҕону уопсастыбаҕа хайдах киирэргэ көмөлөһөрүн, биир дойдулаахтарын, дойдуну таптыырга үөрэтэрин билиэхтэрэ;

• 2 кылаас

Арассыыйа үгэс буолбут духуобунай уонна сиэрдээх сыаннастарыгар уонна кинилэри дьиэ кэргэҥҥэ сайыннарыыга болҕомто ууруллуоҕа. Сүрүн тиэмэлэр: “Бөҕө дьиэ кэргэн”, “Олоххо сыанабыл”, “Төрөөбүт дойдуга таптал”, “Историческай өйдөбүл” итиэннэ “Бэйэнэн киэн туттуу уонна көҥүл”.

• 3 кылаас

Үөрэх кинигэтигэр дьиэ кэргэн эйгэтигэр үөскүүр үтүө хаачыстыбаларга уонна үтүө дьыалаларга болҕомто ууруллар.

• 4 кылаас.

Бырагыраамаҕа сүрүн болҕомто улахан дьон уонна оҕо сыһыаннаһыыларыгар ууруллар.

Кылаас таһынааҕы куурус оҕолорго киһи олоҕор дьиэ кэргэн оруолун өйдөтөр уонна кыра эрдэхтэриттэн сиэр-майгы сыаннастарын иҥэрэр сыаллаах ыытыллар.