Орджоникидзе болуоссатыгар өрөмүөн үлэтэ бу күннэргэ түмүктэниэ
Бүгүн, алтынньы 14 күнүгэр, куорат баһылыгын солбуйааччы Владислав Слепцов Орджоникидзе болуоссатыгар өрөмүөн хаамыытын көрдө-иһиттэ. Итиэннэ үлэни тэтимирдэргэ, алтынньы 17 күнүгэр түмүктүүргэ дьаһайда.
Орджоникидзе болуоссатыгар былааннаммыт өрөмүөн ыытыллар. Билиҥҥи туругунан тротуар билиитэтэ саҥардыллан ууруллар. Бэдэрээтчит – «Регион-Сервис» тэрилтэ.
Киин уокурук управатын салайааччы Айсен Куличенко иһитиннэрбитинэн, матырыйаалы аҕалыы хойутаабыт, ол эрээри тротуар билииитэтин этиллибит күҥҥэ диэри ууран бүтэриэхтэрэ. Өрөбүллэргэ бөҕү ыраастааһын, тиэйии уонна билиитэни сирэйдээһин (облицовка) үлэтэ ыытыллыаҕа.
«Регион-Сервис» ХЭТ дириэктэрэ Андрей Ядрихинскай хаххалары, ыскаамыйалары, ууруналары кырааскалаабыттарын, лаампалары саҥардыбыттарын кэпсээтэ.
Маны таһынан, История уонна култуура пааматынньыктарын харыстыыр Бүтүн Арассыыйатааҕы уопсастыба көҕүлээһининэн Орджоникидзе болуоссатыгар “нулевой килэмиэтир” туруоруллуоҕа. Билигин ЛОРП дьиэтин таһыгар турар. Бэлиэтээн эттэххэ, болуоссакка көһөрөр туһунан куорат сүрүн архитекторын сөбүлэҥэ ылыллыбыт.
Сонуннар
Ордук ааҕаллар
