Оптуобустарга айан төлөбүрэ үрдүө

Муус устар 1 күнүттэн Дьокуускай куорат маршрутнай оптуобустарыгар айан төлөбүрэ үрдүө. Бу туһунан куорат баһылыга Евгений Григорьев СИА  ааҕыныстыбаҕа иһитиннэрдэ. 
"Муус устар 1 күнүттэн маршрутнай оптуобустар айан иһин төлөбүргэ тарыыптара үрдүө. Ол үрдүнэн проезднойунан айан сыаната урукку таһымынан хаалыа. Бу уматык уонна саппаас чаас сыаната үрдээбитин кытта ситимнээх. Ону тэҥэ, инфляцияны кытта тэҥнээн, оптуобус суоппарын хамнаһын улаатыннарарга бу быһаарыныы ылылынна", - диэтэ. Маны сэргэ куорат дьону тиэйиигэ тиэхиньикэтин саҥардарга улахан бырагырааманы саҕалаабыттарын кэпсээтэ.

Быһа барыллаан суруйалларынан, сыананы үрдэтии 16,6%-ҥа тэҥнэһиэ. Саҥа тарыып чопчуланнаҕына бу нэдиэлэҕэ бигэргэнэрэ күүтүллэр.