Оптуобуска босхо айанныыллар

Элбэх оҕолоох дьиэ кэргэттэр оскуолаҕа үөрэнэр оҕолоро куорат уонна куорат таһынааҕы оптуобустарга балаҕан ыйын 1 күнүттэн босхо айанныыллар.

Маннык быраабынан элбэх оҕолоох дьиэ кэргэттэр оскуолаҕа үөрэнэр оҕолоро 2024 сылтан туһаналлар.

Быйыл балаҕан ыйын 1 күнүттэн 7-13 саастаах оскуола үөрэнээччилэригэр «Карта юного жителя Якутии» уонна 14-тэн үөһэ саастаахтарга «Карта жителя Якутии» оптуобуска босхо айанныыр кыаҕы биэрэр баан каарталара үлэлиэхтэрэ. Урут ылыллыбыт каарталар (4, 7, 9 кылаастар) туттуллар болдьохторо бүтүөр диэри туһаныллаллар. Оттон 2025 сыл балаҕан ыйын 1 күнүттэн эргэ каарталары сыыйа сыыппараҕа көһөрөр үлэ ыытыллар. 
Саҥа үөрэх дьылыттан уопсастыбаннай тырааныспарга босхо айанныыр каартаны ыларга http://albank.ru/ru/cards/card-order/kids-card сигэнэн сайаапка толорон «АЭБ» баан офиһыгар тиийэн оҥорторуохха сөп. Сиһилии билсэр төлөпүөн: 8-800-100-00-01. Ол туһунан Дьокуускай куораттааҕы Нэһилиэнньэ дьарыктаах буолуутугар киин телеграм-ханаала суруйар.