Онкологияҕа бэрэбиэркэни ааһыы судургутуйуо: Госдуумаҕа этии киллэрдилэр

“Холобур, онкология ыарыытыгар саамай тарҕаммыт мутациялары быһаарарга комплекснай панельнай чинчийии олоххо киириэн сөп”, — диэн ТАСС суруйар.

Дьокутаат этэринэн, медицинскэй көрүүлэргэ онкологияҕа, сүрэх-тымыр патологияларыгар, аутоиммуннай уонна метаболическай кэһиллиилэргэ анаалыһы оҥоруу суоҕунан сибээстээн, маннык диагностар хойутаан быһаарыллаллар. Бу ыарыылары кэмигэр бэрэбиэркэлээһин өлүү ахсаанын аҕыйатыыга көмөлөһүөҕэ диэн Даванков эттэ.

ОМС нөҥүө балыыһаларга көрдөрөр сүрэх-тымыр ыарыылаах пациеннар медицинскэй көмөнү суһаллык ылыахтара диэн бэлиэтиир тоҕоостоох. Арассыыйа бырабыыталыстыбата бу быраабыланы ааспыт нэдиэлэҕэ бигэргэттэ.

Ол эрээри, быйыл Арассыыйаҕа медицинскэй өҥөнү түргэнник оҥорууга эрэ уларыйыы буолуо суоҕа. 2026 сылтан дойдубут олохтоохторо 20-тэн тахса ыарыыга босхо медицинскэй көмөнү ылар кыахтаныахтара.